A kita Aruba for di "Grey List"
ORANJESTAD - Recientemente, Gobierno di Aruba a ricibi e grato noticia for di OECD, cu Aruba su nomber no ta aparece mas riba e lista shinishi como Paraiso Fiscal.
E Organization for Economic Co-operation and Development (OECD) ta evalua e sistema legal y financiero di tur pais y OECD ta registra tur pais cu tin practicanan di paraiso fiscal, riba e ‘Black List’.
Dos biaha pa aña Union Europeo ta publica un resumen di e paraisonan fiscal. Tin paisnan entre otro Rusia y Panama cu ta riba e lista preto, mientras cu recientemente a elimina paisnan manera Bahamas y Belize for di e black list. Siendo riba e Lista Shinishi por stroba inversionnan den nos pais.
Segun Prome Minister Evelyn Wever-Croes, OECD na prome instante a menasa di pone Aruba riba e Lista Preto. Sinembargo nan a pone Aruba riba Lista Shinishi pasobra segun nan Aruba no tawata cumpli cu e rekisito di intercambio di datonan financiero.
Dia 20 di februari 2024, Aruba ta oficialmente riba e lista blanco. Esaki ta un muestra cu e confiansa den Aruba ta creciendo. Corsou di otro banda, si ta considera cu ainda tin tareanan pa haci por lo tanto ta keda riba Lista Shinishi.