55 aniversario Centro di Bario Noord (CBN): un celebracion di comunidad, solidaridad y dedicacion!

ORANJESTAD - E aña aki Centro di Bario Noord (CBN) ta conmemora su di 55 hubileo, un logro cu ta demonstra no solamente e resiliencia di e organisacion, pero tambe su rol crucial cu e ta hunga den nos comunidad. 

Ya pa mas di cinco decada CBN ta fungi como fuente pa comunicacion, cultura y desaroyo pa e sociedad di Noord y alrededor.

Kico ta e rol di CBN den comunidad?

CBN ta mas cu solamente un centro den bario, e tambe ta e base unda hendenan ta topa, crece y unda ta crea un cohesion social por medio di programanan comunitario.

Door di organisa (of facilita) actividadnan pa esnan mas hoben te cu adultonan mayor, manera programanan educativo y evenementonan cultural, CBN a sa di contribui grandemente na:

  • Integracion social (conexion entre generacion y cultura);
  • desaroyo di idioma (via workshops, lesnan y proyectonan creativo);
  • sosten Comunitario(un lugar sigur pa gruponan vulnerabel)

Vision & Mision

  • Vision: Un sociedad inclusivo unda tur hende por participa sin cu importa edad of descendencia;
  • mision: Crea oportunidadnan pa desaroyo personal y colectivo door di traha hunto y cu envolvimento di sociedad;

E conmemoracion di e hubileo aki no lo ta posibel sin e dedicacion y aporte di tur nan boluntarionan, hunta di directiva (di pasado y actual), personal di CBN y tur nan partnernan.

Pa e motibo ey, CBN ta duna un danki special na:

  • Tur boluntarionan di CBN: boso curason y alma ta e motor CBN;
  • hunta di Directiva: pa boso liderazgo y vision durante tur e añanan cu a trascuri;
  • personal di CBN: boso trabou ta esencial y hopi aprecia;
  • partnernan: pa nan sosten y pa kere den CBN;

Usuarionan structural di CBN

  • Chikitin Bin Bin;
  • Grupo Uni;
  • Grupo Flor di Bini Bini;
  • CBN Baseball;
  • CBN Volley;
  • CBN Domino;
  • Youth Power;

Tur ta forma e fundeshi solido di  existencia di CBN. Mayoria di e usuarionan structural aki ta haci uzo di e facilidad pa ya mas di 40 aña.

CBN ta organisa anualmente diferente actividadnan cultural, y educativo manera:

  • Celebracion di Himno y Bandera;
  • fiesta di Dera Gay;
  • carnaval di Noord (y tambe ta participa naOranjestad y San Nicolas);
  • feria y Spookhuis actividad di Halloween;
  • diferente charla.

Bario Unico

Cu sosten di nan partner Cede Aruba y coordina pa lider di programa, sra Ligia Croes Roza CBN ta organisa programanan interactivo y educativo manera:

  • Les di cuarta (formacion musical pa hobennan);
  • Les di teatro (formacion musical pa hobennan);
  • Les di Baile Folklorico (formacion musical pa hobennan);
  • Conta storia (formacion di muchanan di 4 pa 6 aña);
  • Les di Papiamento (formacion y integracion adultonan).

Tambe tin partnernan manera: 131 Telefon pa Hubentud cu ken CBN a cristalisa e proyecto di“ Best Dad Ever”
Un otro partner ta “Movecion ta Bida” unda conhuntamente  ta brinda e programa di “Arte pa 60 plus “ cual ta enfoca riba e adulto mayor y grupo vulnerabel.

Mas di 100 hende di tur edad ta participa na e diferente proyectonan di CBN y ta bishita e centro di bario semanalmente.  
                            
CBN ta un centro cu ta bon concuri y unda tur hende ta bon bini hunto.

55 aniversario Centro di Bario Noord.