28 di juli ta Dia Mundial di Hepatitis
ORANJESTAD – Dia Mundial di Hepatitis ta observa tur dia 28 di juli pa conscientisa riba hepatitis viral, un inflamacion di e higra cu ta causa malesa grave y cancer di higra.
E fecha ta conmemora e nacemento di Dr. Baruch Samuel Blumberg, kende a descubri e virus di hepatitis B.
Hepatitis ta e inflamacion di higra cu por wordo causa pa diferente virus, consumo excesivo di alcohol of algun remedi. Hopi biaha e ta un "malesa silencioso" pasobra e no ta mustra sintoma mesora, pero e por causa daño serio na bo salud si bo no detect'e na tempo.
E aña aki, Departamento di Salud Publico ta para keto riba e importancia di prevencion y deteccion tempran. Cuidando bo higra, bo ta cuida bo bida!
Tip pa cuida bo higra contra Hepatitis:
- Vacuna bo mes y check bo estado: E miho defensa ta prevencion. Sigura cu abo y bo famia tin e vacunanan necesario contra Hepatitis A y B. Si bo no ta sigur, consulta cu bo dokter.
- Practica bon higiena y siguridad: Laba bo mannan frecuentemente prome cu bo come of prepara cuminda (pa evita Hepatitis A). Evita di comparti articulonan personal manera skeiro di djente y si bo ta bay haci un 'tattoo' of 'piercing', bay na un luga certifica cu ta uza material sterilisa.
- Mantene un estilo di bida saludabel: Un higra fuerte ta resisti miho cualkier malesa. Limita e consumo di alcohol, reduci cumindanan procesa y cu hopi vet, y mantene un peso saludabel. Esaki ta yuda preveni higra cu vet, locual ta debilita bo higra structuralmente.
Preveni ta miho cu lamenta. Cuida bo higra awe pa un mañan mas saludabel!
