21 cursista a ricibi certificado di Declarant di Aduana
ORANJESTAD- Diasabra 6 juli 2024 a tuma luga un ceremonia y entrega di certificado na un
grupo di cursista cu exitosamente a finalisa e curso di Declarant di Aduana.
Esaki ta e di shete curso cu Aduana y ATIA a duna pa brokers y importadonan.
Den presencia di director di Departamento di Aduana, sr. Roderick Croes, director di ATIA, sr.
Herrick Henriquez, cabesante di e curso, sr. Marcelito Pablo, secretaria di e curso, sra. Kathleen
Faro y docentenan, a haci entrega di certificado na 21 persona cu a cuminsa e curso na luna di
februari 2024. Di e grupo aki, sr. Henry Cen di e compania Far East Logistics & Transport tabata e mihor graduado sigui pa sra. Jean-Marie Vos di Ashley Broker na segundo luga y na tercer luga sr. Bryan Werleman di Setar N.V.
Departamento di Aduana y ATIA ta felicita cada un di e cursistanan aki y ta desea nan exito den
nan carera.