Visa

  • Descripcion

    Tin pais di cual e habitante cu kier bishita Aruba mester di un visa pa drenta Aruba y tin pais cu ta rekeri un visa si habitante di Aruba kier bishita nan (p.e. Merca).

    Pa drenta Aruba for di cierto pais ta rekeri cu bo tin un visa.

    Debi na coronavirus, no ta posibel solicita un visa pa Caribe Holandes na e embahadanan y consulado general di Hulanda como tambe e oficinanan cu ta tramita visa manera VFS Global te cu proximo aviso. Pa mas informacion por consulta https://www.netherlandsworldwide.nl/travel/caribbean-visas/qas-caribbean-visa (informacion na Ingles).

    Si ta desea pa biaha pa Aruba pa un duracion cortico, un visa ta un rekisito pa admision na Aruba pa un persona cu un nacionalidad cu ta rekeri un visa .

    E visa ta valido pa e parte Caribense di Reino Hulandes y no unicamente pa Aruba. A menos cu e visa «válido pa » tin e abreviacionT.B.G.V.. Esaki nifica cu e visa tin validez teritorial limita. Kiermeen cu e visa ta valido solamente pa e país designa como el destino principal.

    Con pa solicita un visa

    Si bo persona ta rekeri un visa mester busca un visa prome cu biaha pa Aruba.     

    Por haya mas informacion riba: https://www.nederlandwereldwijd.nl/reizen-naar-nederland-of-caribisch-deel-van-het-koninkrijk.  Yena e siguiente formulario pa haci un pre screening di un visa Caribense pa Aruba. 

    Pa informacion detaya riba maneho di visa pa Aruba por lesa e maneho di visa.

  • Unda pa pidi'e? / Mas informacion na

    Visa pa bishita Aruba
    Door di habri e lista (Visumplichtige nationaliteiten) aki bo por haya un bista di tur pais cu ta rekeri visa pa bishita Aruba.

    Mas informacion: DIMAS

    Visa pa biaha pa exterior
    Cada pais tin nan mesun regla pa stranhero cu kier bishita nan pais. Pa algun pais un paspoort Hulandes valido ya ta suficiente pa drenta. Otro pais ta exigi cu e paspoort mester ta minimaal 6 luna valido y tin algun pais cu ta exigi un visa.

    Embahada of consulado
    Bo kier sa si bo mester di un visa pa e pais di bo destinacion? E embahada of consulado di e pais di bo destinacion por informabo tocante esaki.

    Fuente: www.rijksoverheid.nl

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options