Rijbewijs (e prome)

  • Descripcion

    Un rijbewijs ta un prueba legal cu (gobierno) polis ta duna na un persona di 18 aña pariba y e ta duna e persona e competencia pa stuur un vehiculo di motor (scooter, brommer, auto di carga y auto di famia). E rijbewijs mas comun ta rijbewijs A (pa vehiculo di motor y vehiculo di motor riba 3 wiel, cu un peso maximo di 400kg) y rijbewijs B (pa vehiculo di motor cu no ta cay bou di rijbewijs A y cu tin un peso maximo di 3500kg y un maximo di 8 asiento). Rijbewijs C ta pa vehiculo di carga, rijbewijs D ta pa bus y rijbewijs E ta pa lastra un aanhangwagen.
     

  • Unda pa pidi'e? / Mas informacion na

    Bo mester haci un cita personalmente na e Oficina pa Rijbewijzen y Rij-examen pa haci bo examen pa stuur auto.

    Si bo a slaag pa bo examen, bo mester traha un cita na Oficina di Censo/ Registro Civil.

    Via afspraak

    Pa traha un cita klik riba afspraak maken - Scoge Documenten en Inlichtingen/Aanvragen –  Arubaans Rijbewijs
    Lo bo haya un afspraak pa pidi bo cedula na e oficina principal na  Schoolstraat 2 of na e oficina na L.G. Smith Boulevard 66.

    Tene na cuenta:

    Pa rijbewijs mester haci un cita pa persona. Si mas persona di un famia mester di un cita pa un cedula mester haci e cita pa persona.  

  • Kico mi tin di hiba cu mi?

    • un prueba di identificacion valido (cedula di Aruba of paspoort);
    • un plakzegel di Awg.8,- obtenibel na e oficina di Post;
    • un formulario di dokter yena y aproba. Por cumpra un formulario di dokter pa Awg. 16,- na postkantoor. Bo dokter mester yena y aproba e formulario. (E formulario di dokter no mester ta mas bieu cu 3 siman desde e fecha cu e dokter a firma e   formulario).

    E adres postkantoor ta:

            Post Aruba N.V.
            J.E. Irausquin Plein 9
            Tel: (+297) 588 1265
            Fax:(+297) 588 1291
            E-mail: customerservice@postaruba.com     

  • Kico ta e condicionnan?

    Pa bo haya un rijbewijs pa prome biaha bo mester pasa tanto e examen teoretico como e examen pa stuur (core) auto cu exito.

  • Cuanto e ta costa?

    • Na momento di registracion pa examen mester paga un suma di Awg. 90,-
  • Cuanto tempo ta dura pa hay'e?

    Entre 5 pa 10 minuut despues di a pasa e examen pa stuur auto cu exito. 

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options