Home Producto & ServicioPeticion orario di tienda (winkelsluiting)

Peticion orario di tienda (winkelsluiting)

Descripcion
Segun Landsverordening winkelsluiting ta prohibi pa un negoshi ta habri pa publico riba:

a) diadomingo y dianan di fiesta y dianan conmemorativo determina.
b) riba otro dia prome cu 6.00or di mainta y despues di 6.30 di atardi.

Riba peticion tiendanan por haya dispensacion di e prohibicion aki pa habri:
- durante siman te cu 24.00 (mei anochi) y riba diadomingo;
- dianan di fiesta y conmemorativo determina di 9.00or te cu 22.00 or.
Unda pa pidi'e? / Mas informacion na
Seccion Implementacion Maneho Economico, oficina nr.14. Telefon 582-1181 ext. 247 di Departamento di Asunto Economico, Comercio y Industria.
Con mi tin di pidi'e? / Kico mi tin di hasi?
Bo peticion mester ta por escrito y mester contene:
- datonan de esun cu ta haci e peticion;
- datonan di e tienda (nomber, adres, persona di contacto, telefon);
- e periodo/dia(nan) y e oranan cu ta desea pa e negoshi ta habri.
Tin cu remarca cu por pidi dispensacion pa no mas cu e periodo di 1 (aña). Por haci e peticion personalmente na e loket di Departamento di Asunto Economico, Comercio y Industria.
Kico mi tin di hiba cu mi?
Peticion por escrito cu stampia.
Cuanto e ta costa?
AWG. 12,00 na stampia di cua AWG. 4,00 pa peticion y AWG. 8,00 pa e permiso.
Cuanto tempo ta dura pa hay'e?
Por lo menos 5 dia di trabou.

Page options