Mediacion

  • Descripcion

    E seccion Job Center (JC) di DPL  ta encarga cu e maneho real di e colocacion entre e persona cu ta busca trabao y e doño di trabao cu ta busca trahado pa yena e puesto di trabao vacante den su negoshi. E doño di trabao cu tin un puesto bashi den su negoshi por registra esaki na JC. Job Center lo trata di haya trahadonan adecua pa yena e vacatura aki. Esnan cu ta buscando trabao tambe por pidi JC pa yuda nan haya un (otro) trabao. E mediacion di JC ta consisti di media pa e doño di trabao y e trahado cu ta buscando un trabao (incluso e casonan dificil).

  • Unda pa pidi'e? / Mas informacion na

    Na e seccion Jobcenter di Departamento di Progreso Laboral, inscripcion ta tuma lugar solamente parti mainta entre 7.30 en 11.00.

  • How to request? / What must I do?

    E servicio di colocacion/mediacion ta ser efectua door di:

    • tene un entrevista preliminar cu e persona cu ta busca trabou of cu e doño di trabou, pa colecta informacion manera dato personal di e trahado, e trabou desea cu e trahado ta busca, e estudio y cursonan y experiencia laboral di e trahado;
    • den caso di e doño di trabou ta colecta informacion pa loke ta e vacatura(nan), manera e tipo di funcion, condicion laboral y asuntonan similar;
    • den caso di e persona cu ta busca trabou, na e e doño di trabou door di duna e persona un carta di presentacion pa un entrevista cu e doño di trabou;
    • duna conseho den marco di e mediacion y haci recomendacion na e persona cu ta busca trabou riba varios tereno relaciona cu hayamento di un trabou adecua, manera tuma cursonan of training di capacitacion y cosnan similar;
    • registra e vacatura den un sistema computarisa;
    • match e vacatura cu doño di trabou a pone, cu datonan cu e trahado a suministra;
    • conseha of haci sugerencianan na e doño di trabou en cuanto posibilidadnan di colocacion.

  • Kico mi tin di hiba cu mi?

    Pa inscribi na e departamento di Jobcenter mester trece:

    • Cedula di identidad (no paspoort ni rijbewijs);
    • Curriculum vitae;
    • Copia di diploma(nan);
    • Certificado(nan).

    Si e persona no tin cedula, mester entrega un extracto di registro civil (papel di Awg. 5,-), hunto cu un documento di identificacion valido (paspoort of rijbewijs).

    E persona cu no a nace na Aruba mester trece un declaracion di DIMAS cu ta demostra cu nan por traha na Aruba sin cu nan mester di un permiso di trabao. E  persona cu mester di un permiso di trabao pa por traha, no ta bin na remarca pa inscribi na e seccion Jobcenter.

  • Cuanto tempo ta dura pa hay'e?

    Ta depende di e boluntad di ambos partido y/of di e capacidad di e persona cu ta busca trabao.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options