Cedula

  • Descripcion

    E cedula Arubano ta un documento pa identificacion, cu tin un grandura di un credit card. Bentaha di e cedula ta cu e ta facil pa warda y uza.

  • Unda pa pidi'e? / Mas informacion na

    1. Via afspraak

    Klik riba afspraak maken.- Scoge Documenten en Inlichtingen/Aanvragen –  ID
    Lo bo haya un afspraak pa pidi bo cedula na e oficina principal na  Schoolstraat 2 of na e oficina na L.G. Smith Boulevard 66.

    Tene na cuenta:

    Pa paspoort mester haci un cita pa persona. Si mas persona di un famia mester di un cita pa un cedula mester haci e cita pa persona.  

  • Kico mi tin di hiba cu mi?

    Ora di haci peticion pa un cedula, mester presenta e siguiente documentonan:

    • E cedula cu a caduca;
    • Den caso di prome peticion, un identificacion valido (paspoort of rijbewijs);
    • Si ta aplicabel un permiso di estadia valido

    Mucha bou di diesseis aña, mester presenta tambe cu un mayor, voogd of esun legalmente responsabel pe, pa duna permiso

  • Kico ta e condicionnan?

    • Un cedula mester pidi personalmente|;
    • Mucha bou di 16 aña mester presenta tambe cu un mayor/voogd. Menornan di edad 16 aña of mas bieu mes por pidi un cedula;
    • Bo mester ta inscribi na Censo y Registro Civil;
    • Mester di un permiso di estadia si ta stranhero of ta cay bou articulo 1 di LTU.

  • Cuanto e ta costa?

    Mester paga pa e cedula ora di haci e peticion y e gasto ta:

    • Cedula desde 12 aña        Awg 50,-

    Den caso cu perde e cedula mester paga:

    • Awg. 100,- pa e prome biaha
    • Awg. 200,- pa di dos biaha
    • Awg. 400,- pa di tres biaha

  • Cuanto tempo ta dura pa hay'e?

    Ta otorga e cedula mesora.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options