Tuma personal den servicio

Contract di trabao ta un contract, den cual e trahado ta compromete su mes cu e doño di trabao, pa traha durante cierto tempo contra pago di salario. Consecuentemente contract di trabao tin e siguiente elementonan:

• eherce trabao (traha);
• salario;
• ta den servicio (relacion herarkico).

Salario ta parti di contract di trabao cu ta indica e compensacion pa trabao haci. Doño di trabao y trahado ta liber den fihamento di salario ora ta trata di contract di trabao individual of colectivo (CAO), si e acuerdo ta cumpli cu cierto condicion legal.

Relaciona cu e hecho cu e sectornan di hotel, restaurant y cafe ta sensibel na competencia internacional y ta rekeri un forsa laboral masha grandi, Gobierno a opta pa establece reglanan diferente pa e ramonan di industria den e sectornan aki.

Seguro di malesa

Segun e ordenansa seguro di malesa un trahado haya parti di su salario den caso cu e no por traha pa motibo di malesa. Seguro di malesa ta percura pa e trahado cu ta malo ta haya un parti di su salario. E trahado den servicio cu ta ricibi un salario di Afl. 5.850,- of menos pa luna ta cay bao e seguro di malesa (e suma aki ta valido desde 1 di juli 2016 y por cambi’e pa ley).

Meld accidente na trabao

Segun articulo 2 inciso 7 di e Ley di Seguridad na Trabao, e hefe of manager di un negoshi mester meld accidente na trabao na entre otro Departamento di Inspeccion Tecnico (DTI). Basa riba e ley di seguro di accidente na trabao, mester meld accidente di trabao tambe na Sociale Verzekeringsbank (SVb).

Ley di pensioen general

Mas informacion no ta disponibel ainda