Traha (Informacion pa trahador)

Contract di trabao ta un contract, den cual e trahado ta compromete su mes cu e doño di trabao, pa traha durante cierto tempo contra pago di salario. Consecuentemente contract di trabao tin e siguiente elementonan:

• eherce trabao (traha);
• salario;
• ta den servicio (relacion herarkico).

Salario ta parti di contract di trabao cu ta indica e compensacion pa trabao haci. Doño di trabao y trahado ta liber den fihamento di salario ora ta trata di contract di trabao individual of colectivo (CAO), si e acuerdo ta cumpli cu cierto condicion legal.

Ley di pensioen general

Mas informacion no ta disponibel ainda

Meld accidente na trabao

Segun articulo 2 inciso 7 di e Ley di Seguridad na Trabao, e hefe of manager di un negoshi mester meld accidente na trabao na entre otro Departamento di Inspeccion Tecnico (DTI). Basa riba e ley di seguro di accidente na trabao, mester meld accidente di trabao tambe na Sociale Verzekeringsbank (SVb).

Cessantia ta un pago pa un solo biaha den forma di un suma di placa, cu e doño di trabao mester paga su trahado ora e relacion di trabao termina. Ta calcula e suma a base di e cantidad di añanan di servicio di e trahado. E daño inmaterial cu e trahado ta sufri pa motibo di e retiro y e perdida di e tempo di servicio ta forma e fundeshi huridico di e pago aki. E pago di cessantia tin su base den un obligacion legal di e doño di trabou, ancla den e Ley di Cessantia.