Bay scol

Enseñansa preparatorio, pa mucha di cuatro te seis aña. E kleuter ta cuminsa enseñansa preparatorio na edad di cuatro aña. Den dos aña ta prepara nan pa enseñansa basico. E ley di Enseñansa preparatorio ta regla enseñansa preparatorio.

Enseñansa basico ta pa mucha di 6 te cu 11 aña y tin duracion di 6 aña.  Na final di e ultimo aña di enseñansa basico, a base di conseho di scol, di punta y den cierto caso di resultado di un test ta determina e rumbo cu un alumno lo sigui den enseñansa secundario.
Enseñansa basico ta reglamenta den Ley di Enseñansa basico.