Enseñansa avansa general pa adulto (VAVO)

Enseñansa avansa general pa adulto (VAVO) ta conoci tambe como MAVO-Anochi, HAVO-Anochi y VWO-Anochi.

MAVO-Anochi

MAVO-Anochi ta ofrece dos profiel:

  • Hende y sociedad (Mens en Maatschappij);
  • Fisica, Kimica y Matematica (Natuurwetenschappen).

Den e prome aña di 'Ciclo Avansa' (di tres aña di MAVO-Anochi) e studiante mester scoge un profiel. Nan ta scoge entre e materianan di profiel y materia di escogencia.

E exigencianan di admision pa MAVO-Anochi
Pa e prome aña di “Ciclo Avansa” ta admiti studiante cu tin 16 aña of mas prome cu 1 di september di e aña escolar y cu a pasa e segundo aña di “Ciclo Basico” na un scol di Enseñansa Avansa. Tambe por admiti studiante cu un diploma di EPB-uitstroom of studiante cu a pasa e tercer aña di EPB-doorstroom, cu of sin diploma.

Orario di les
MAVO-Anochi ta consisti di maximalmente cinco ora di les (à 45 minuut) riba un anochi cuminsando pa 6 ‘or di atardi y ta termina pa mas tarda 10 ‘or di anochi y tin pauze di 15 minuut. Mirando cu les ta cuminsa tempran y cu diferente studiante ta traha te cu mas o menos 6 ‘or di atardi, no ta exigi un presencia obligatorio.

Gasto
Studiante ta paga un suma di inscripcion di 100 florin pa aña, no obstante duracion di e curso. Gasto di buki pa MAVO-Anochi ta varia di cinco te cu cincuenta florin pa cada materia. Entrante otro aña lo pidi un suma di deposito pa e bukinan. Studiante ta paga un deposito pa tur buki cu e ricibi pa e “Ciclo Avansa” y ora e entrega e bukinan e ta haya su placa bek.

Localidad

                                                      Localidad                              Telefon/Fax
Avond-MAVO Oranjestad         EPI, Sero Blanco                  (297) 582-7324
Avond-MAVO San Nicolaas     Abraham de Veer School   (297) 588-0150 (F)

HAVO-Anochi

HAVO-Anochi ta cay bou di directiva di Fundacion pa Enseñansa Anochi. Pa diferente aña caba e scol tin mas cu 300 alumno. En principio HAVO-Anochi ta dura tres aña y na final e graduado ta ricibi e mesun diploma cu un scol di den dia y cu e mesun derechonan. E studiante por ricibi tambe certificado separa. E materianan cu ta ofrece ta: Hulandes, Ingles, Spaño, Wiskunde 1 y 2, Economia 1 y 2, Management y Organisacion, Historia, Geografia, Biologia y Kimica.

E exigencianan pa admision na HAVO-Anochi
E exigencianan pa admision na HAVO-Anochi ta minimalmente diploma di MAVO of un prueba cu a pasa di HAVO-3 pa HAVO-4.

Orario di les
Les na HAVO-Anochi ta tuma luga di dialuna te cu diahuebs, cuminsando pa 6 ‘or y cinco y ta termina pa mas tarda 10 ‘or di anochi.

Gasto
Gasto pa HAVO-Anochi ta 300 florin pa seis materia. Pa un materia so ta cobra 50 florin pa aña. Tambe mester paga 50 florin anualmente pa gasto di administracion.

Localidad

                                      Localidad                                                                    Telefon/Fax
Oranjestad                 Colegio Arubano, Shakespearstraat 17                (297) 583-8720
San Nicolaas             Colegio Arubano (Pariba), Weg Kustbatterij z/n  (297) 588-0150

VWO-Anochi

Si Bo ta desea di bay studia Ley na Universidad di Aruba, anto bo por haya bo Colloquim Doctum via VWO-Anochi. Ta duna e siguiente materianan: Hulandes, Ingles, Spaño y Historia.

E exigencianan pa admision na VWO-Anochi
E exigencianan pa VWO-Anochi ta minimalmente diploma di HAVO of certificado di HAVO. Si Bo no tin diploma di HAVO y Bo ta mas cu 25 aña, anto Bo por atende e lesnan como “observador” te cu luna di november. Despues di esaki ta sigui un evaluacion cu lo mester determina si bo por sigui pa e Colloqium Doctum.

Orario di les.
E lesnan di VWO-Anochi ta tuma luga di dialuna te cu diahuebs, cuminsando pa 6 ‘or y cinco y ta termina no mas laat cu 10 ‘or di anochi.

Gasto
Gasto pa VWO-Anochi ta 200 florin pa cuatro materia. Pa un materia so ta cobra 50 florin pa aña. Tambe mester paga 50 florin anualmente pa gasto di administracion.

Localidad

 

                                    Localidad                                                                 Telefon/Fax
Avond-VWO              Colegio Arubano, Shakespearestraat 17          (297)583-8720    

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options