Tereno erfpacht

Si bo no tin tereno propiedad, bo por pidi Gobierno un tereno erfpacht pa bo construi bo cas. Erfpacht ta un derecho comercial pa durante un periodo stipula, bo por tene y haci uzo di un pida tereno di Pais Aruba contra pago. Ta yama e pago aki ‘canon di erfpacht (erfpachtcanon)’. Esun cu haya tereno den erfpacht, den principio tin mesun derechonan cu un doño. E asina yama contradoño, Pais Aruba, tin solamente posibilidad masha limita pa termina of anula e erfpacht.

Ta duna tereno pa construi den erfpacht pa:

• Preveni speculacion cu tereno;
• Pa por controla uzo di tereno, di tal manera cu ta utilisa e condicionnan di erpacht na medida creciente dor di cual Pais Aruba por logra realisa metanan general.

Por uza e formulario aki pa haci un peticion pa tereno di cas.

Tin dos tipo di erfpacht, esta:

• Erfpacht residencial lo cual tin como meta construccion di bibienda;
• Erfpacht comercial lo cual tin como meta construccion di edificio pa ubica negoshi aden.