Famia

Mester inscribi tur baby cu nace na Aruba (duna e nacemento di conoce) na Censo y Registro Civil. E registracion di e nacemento mester tuma luga dentro di cinco dia (e dia di nacemento, diasabra, diadomingo y dianan oficial di fiesta no ta conta den e cinco dianan menciona). Censo y Registro Civil ta pone Ministerio Publico na altura di tur registracion haci despues di e termino di cinco dia.

Un hende homber por reconoce un mucha, cu legalmente no tin tata ainda, como su yiu, door di cual e ta crea un relacion familiar legal cu e mucha. Desde 1 di september 2021 Na reconocemento di e mucha desde 1 di spetember 2021, ambos mayor duna di conoce cu ta haci un escogencia di fam di e tata of un combinacion di nan si acaso un di nan tin dobbel fam. Un empleado publico di Censo  ta traha un acta di reconocemento ora cu un reconocemento di yiu tuma luga.

Adopcion ta nifica, tuma legalmente responsabilidad di bienestar pa un mucha, cu normalmente e mayornan biologico ta eherce. E mayornan y yiunan adoptivo tin e mesun derecho y deber pa cu otro mescos cu mayornan biologico tin cu nan yuinan biologico. Hues ta confirma of ta dicta e sentencia di adopcion, sosteni, of no door di Directie Voogdijraad.

Tur persona cu kier casa, mester duna esaki di conoce na Censo y Registro Civil (burgerlijke stand), e asina yama dunamento di man.
Despues di diescuatro dia cu a duna man (a registra na Censo e intencion di matrimonio) e casamento por tuma luga (articulo 62 insiso 1 BWA).

Aruba a bira un luga ideal pa parehanan casa door di su ambiente romantico, idilico y e manera relaha di bida. Aruba ta un di e destinacionnan faborito den mundo pa casa. Hulandes y stranhero por casa na Aruba, aunke cu nan no ta inscribi na censo di Aruba.
Si bo tin plan pa casa na Aruba, bo mester cuminsa prepara na tempo. Tin formulario y/of documento cu mester ta entrega na tempo na e Oficina di Censo di Aruba. Tambe mester tene cuenta cu e terminonan legal vigente cu tin na Aruba.

Ta disolve un matrimonio ora cu un di e casanan a muri of ora di divorcio. E proceso di divorcio ta manera lo siguiente:

• Un di e parehanan ta acudi na un abogado;
• Esposa y esposo y/of nan abogadonan mester presenta dilanti hues;
• Hues ta duna su sentencia;
• Mester laga registra e sentencia di divorcio den Registro civil na Censo.

Mester acudi na un abogado pa cuminsa cu e proceso pa disolve e matrimonio. Hues ta duna sentencia den caso di divorcio.