Beslag conservatorio

Den principio ta aplica e medio c.q. recurso aki, ora tin un temor funda pa malversacion door di e debedo cu su bien/propiedad. Tambe ta aplica e beslag aki den caso cu e productonan cu ta apto pa pone beslag riba nan, ta pertenece na otro persona cu e debedo y tin un temor funda cu e otro persona por malversa e bien/propiedad aki.

Pa ponemento di beslag conservatorio un autorisacion di hues den prome instancia ta rekeri.

A menos cu ley ta stipula otro, ora ta pone un beslag conservatorio ta aplica e mesun reglanan valido di un beslag ehecutabel pa haya (recupera) un demanda di placa riba un bien di e tipo cu esun cu a pone den beslag.

• Beslag conservatorio den man di debedo
  Ta aplica e beslag aki pa haya/recupera un demanda di placa y ta pon’e riba asunto/propiedad mobil cu no ta producto registra y riba derecho di portador y mandato.
• Beslag conservatorio riba accion (shares) riba nomber y balor (effecten) cu no ta accion
  Tambe por pone beslag conservatorio riba accion(shares) riba nomber y balor(effecten) cu no ta accion.
• Beslag conservatorio bao di tercera persona
  Un creditor por pone beslag conservatorio bao di tercera personanan
• Beslag conservatorio bao di e creditor mes
  Un creditor tambe por pone beslag bao di su mes riba mesun propiedadnan cu ta apto pa pone beslag ehecutabel riba nan.
• Beslag conservatorio riba propiedadnan inmobil
  Si por proba cu tin un temor funda pa malversacion di cierto propiedadnan inmobil, e ora ei por pone beslag riba un of mas propiedad inmobil determina y indica.
• Beslag conservatorio riba barco
  Aki si e rekisito pa proba un temor funda pa malversacion no ta valido.
• Beslag conservatorio riba aeronave
  E beslag aki ta valido exclusivamente pa e aeronave cu ta registra segun articulo 1302 di e Buki 8 di e Codigo Civil di Aruba den e registro concerni y pa aeronave di nacionalidad di un estado stranhero riba cual e tratado di Roma di 29 mei 1933 cu ta regarda algun stipulacion di condicionan uniforme tocante di beslag conservatorio riba aeronave (Stb.1938,12) ta aplicabel.
• Beslag conservatorio riba expedicion (suministro) di asunto y entrega di bien
  Cada ken cu tin e derecho di haya un propiedad of bien mobil, of cu a haya e derecho aki door di un veredicto di hues cu a dun’e autoridad pa anula y disolve, por tuma e propiedad of bien den beslag p’ asina salvaguardia e derecho aki.)
• Beslag conservatorio contra debedo sin adres conoci na Aruba
  Si debedo no tin adres conoci na Aruba, por pone e tipo di beslagnan menciona anteriormente, si acaso nan ta aplicable, sin cu tin di proba un temor funda pa malversacion.