Apelacion (Hoger beroep) LAR

Por apela na Corte Superior di Hof di Husticia contra un sentencia di Corte den Prome Instancia den caso di apelacion contra un carta di obhecion. E caso di apelacion superior ta cuminsa dentro di seis siman despues di e dia riba cual a duna sentencia den e caso di apelacion. Ta cuminsa cu e caso di apelacion superior door di entrega na Griffie di Corte den Prome Instancia un carta di apelacion dirigi na Hof.

Hof ta confirma e sentencia di Corte den Prome Instancia door di; sea ta tuma over of sea door di drecha e argumentonan of Hof ta haci loke Corte den Prome Instancia mester a haci caba door di anula e sentencia completo of un parti di dje.

Si Corte den Prome Instancia a declara e caso como no-admisibel y Hof anula e sentencia aki cu un declaracion di si-admisibel, Hof ta manda e carta di apelacion bek pa Corte den Prome Instancia. Corte den Prome Instancia mester reanuda e caso na unda e tratamento a keda. Hof por keda sin manda e caso bek manera ta stipula den e di dos insiso di articulo 53 d di e Ley di LAR , si e carta di apelacion obviamente ta funda of obviamente no ta funda.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options