Detayes Departamento

Orario

E tarea primordial di Ministerio Publico ta para den articulo 3 di e Ley di Ordenanza riba e organisacion di e poder hudicial:

“Ministerio Publico ta encarga cu e mantencion di e ordenansanan legal, e persecucion di  echonan castigabel, e ehecucion di sentencianan y decisionnan di hues den casonan penal y e control riba cumplimento cu decisionnan di hues den casonan disciplinario”.

Bureau Sostenemi lo fungi como un punto central di conseho, raporta y coordinacion relaciona cu maltrato di mucha. E lo traha hunto cu institucionnan y organisacionnan existente cu ta trahando ariba e tereno di combati maltrato di mucha. Ademas Sostenemi lo organisa un manera di traha mas efectivo posibel pa combati maltrato di mucha dirigi pa mehora e calidad di informacion y cuido riba e tereno aki. Pa logra tur esaki, Sostenemi a defini e siguiente tareanan principal:

• Duna asistencia;
• Duna conseho y informacion;
• Conscientisa comunidad relaciona cu maltrato di mucha:
• Prevencion;
• Duna conseho ariba tereno di maneho.

Bureau Sostenemi tin e tarea pa, na beneficio di e menor di edad na Aruba, stimula comunidad pa raporta y apoya den caso cu tin sospecho di maltrato di mucha. Base di esaki ta e concepto cu denuncia y atende maltrato, maluzo y negligencia di mucha ta un responsabilidad di nos tur. Esaki ta encera cu un y tur (profesional, miembro di famia, bisiña, conocir of esnan cu a mira algo) cu ta haya nan mes confronta cu señal cu ta mustra den direccion di maltrato di un menor di edad mester yama na telefon pa conseho con pa anda cu e situacion y con pa actua dentro di su mesun posibilidad na interes di e menor di edad.

E vision, mision, e meta y e tareanan di Servicio Informativo di Gobierno (BUVO) ta encera lo siguiente:

Mision

E mision di e departamento di Informacion (Servicio Informativo di Gobierno) ta como lo siguiente: “Promove cooperacion entre tur esnan cu ta traha ariba tereno di duna informacion y comunicacion den Gobierno pa logra un suministro unanime di informacion pa garantisa eficiencia y efecto

Vision

E vision di e departamento di Informacion ta:

"Informacion y comunicacion di parti di Gobierno ta parti di e maneho pa logra un comunicacion habri y transparente entre gobierno y e ciudadano".

Meta:

Servicio Informativo di Gobierno tin como obhetivo principal:

"Promove un relacion transparente entre Gobierno y publico (ciudadano, gruponan di interes, sector priva) y entre e departamentonan gubernamental door di compila y duna informacion y promove comunicacion tocante e maneho di Gobierno". 

Tareanan esencial

E departamento ta purba realisa su obhetivonan door di realisa por lo menos e siguiente tareanan principal

• Redacta material di informacion (manera aviso, spot pa radio y television) pa publico of gruponan special via medionan di comunicacion local;
• Coordina campañanan di informacion hunto cu otro departamentonan gubernamental;
• Mantene contacto cu prensa internacional y alabes guia nan durante nan estadia na Aruba den cooperacion cu otro departamentonan;
• Haci investigacion riba tereno di maneho di informacion y comunicacion di gobierno;
• Compila y administra un archief digital di material audiovisual (potret y video) di e departamentonan gubernamental, ministerionan y eventualmente di gabinete di Gobernador;
• Duna conseho tocante asuntonan di protocol y organisa conferencia di prensa;
• Duna conseho na departamentonan gubernamental y ministerionan tocante e uzo di medionan di comunicacion adecua den cuadro di eficiencia y uzo di e medionan financiero disponibel;
• Traduci y coregi textonan na Papiamento pa aviso den cuadro di informacion;
• Yuda ehecuta e ley di Transparencia (Landsverordening Openbaarheid van Bestuur);
• Hunto cu DIA (Directie Informatievoorziening en Automatisering) mantene e website di gobierno, prepara y desaroya material pa e website y publica esakinan ariba e website. 

Cas di Cultura (CdC) ta e teatro nacional y centro cultural di Aruba. Fundacion Teatro Aruba ( Stichting Schouwburg Aruba (SSA)), cu ta un organisacion cu no tin como meta pa haci ganashi, ta maneha Cas di Cultura. Na aña 1956 a funda SSA cu e meta pa lanta y mantene un edificio, na unda por desaroya y promove e bida cultural di e comunidad Arubano. E edificio “Cultureel Centrum” a habri oficialmente na aña 1958. Mas despues a cambia e nomber pa “Cas di Cultura”.
Desde aña 2000 Gobierno di Aruba ta subsidia un parti di e gastonan di salario. CdC ta cubri tur gasto di operacion. Door di huurmento di sala pero tambe pa medio di un programacion propio, diferente actividad y presentacion riba tur tereno di arte ta tuma lugar. Tambe tin otro actividadnan riba tereno social cu ta di importancia pa comunidad. Tambe tin organisacionnan cu ta uza CdC pa meta comercial. E oficinanan di Scol di Musica Rufo Wever, fondo cultural UNOCA y Scol di Baile Diana Antonette tambe ta keda den CdC.
Cas di Cultura ta ubica riba e caminda, biniendo di aeropuerto direccion pa Playa, na e rotonde di Las Americas na Vondellaan 2 na Oranjestad y pa tur informacion por yama (+297) 582-1010.

Vision/Mision

Nos ta profesionalnan competente y integro cu ta sirbi e interes general obhetivamente y imparcial door di ofrece siguransa. Nos ta ehecuta e mision aki cu hopi atencion (cautela) y experticio na servicio di gobierno y comunidad.

E balornan fundamental cu ta guia nos ta:

• Integridad -  Nos ta husto y sincero;
• Traha den ekipo -  Nos ta traha hunto pa realisa metanan colectivo y individual;
• Pasion - Nos obhetivo ta pa semper sigui supera nos mes;
• Proactividad - Nos actitud ta di anticipa y busca solucion.

Lema

Profesionalnan integro y imparcial

Servicio Central di Accountant (Centrale Accountantsdienst) ta e servicio interno di accountant pa Pais Aruba. CAD ta resorta bou di ministerio di Finansas y Organisacion Gubernamental.
CAD ta controla e cuenta anual di Pais Aruba y suminstra un declaracion di accountant. E cuenta anual di Pais Aruba ta un documento importante pasobra pa medio di esaki Gobierno ta responsabilisa su mes na Parlamento tocante e maneho financiero cu el a hiba. Ademas di controla e ministerionan, CAD ta encarga tambe cu controla e companianan di gobierno y di cierto personanan huridico cu tin relacion cu Pais Aruba.

Pa yega na un declaracion di accountant, CAD ta controla e administracion financiero di e departamentonan di Gobierno. Como e accountant interno, CAD tin conocemento amplio di e organisacion y proceso di trabou di e ministerionan, servicio y departamento. Pesei CAD ta conseha tocante maneho di risico riba e tereno di:

• Confiabilidad den dunamento di informacion financiero y operacional;
• Efectividad y eficiencia di e proceso di trabou;
• Seguridad di propiedad;
• Cumplimento di ley y areglo di contracto.

Normalmente CAD ta haci investigacion ariba propio iniciativa. Ta scoge e proyectonan pa investiga a base di e balotacion di risico y e interes financiero. Ademas ta haci investigacion ariba peticion di Ministro y management di servicio y departamento.

CAD ta traha un rapport di cada investigacion y ta entreg’e na e ministronan concerni. Camara di ControlariaGeneral (Rekenkamer) y management di e departamento concerni tambe ta haya un copia di e raport.

Vision

E vision di CEDE Aruba ta como lo siguiente:

CEDE Aruba ta un Fundacion autonomo permanente, dirigi na fortifica e comunidad civil den un sociedad balansa. E ta fungi como un brug duradero entre Iniciativa Priva, un comunidad di N.G.O. fuerte, pro-activo y sintonisa na un banda, y e cargadonan di recursonan local y internacional na otro banda. E ta e Fundacion Arubano mas grandi y importante cu ta reconoce na un manera profesional e necesidadnan den e comunidad y ta realisa e solucionnan na manera creativo. CEDE Aruba ta conoci como un organisacion confiabel na unda tur hende por pidi sin miedo pa conseho y ayudo riba tereno di desaroyo social y educativo duradero.

Mision

Trece ser humano y recursonan hunto pa desaroyo sostenibel.

Como organisacion e ta combina y ta uza energia  y recurso cu ta considera necesario pa e desaroyo social-educativo di e comunidad Arubano y e pa fortifica e Iniciativa Priva den e lucha contra problemanan socioeconomico y social.

Ta  trata pa semper promove e habilidad pa defensa propio y e confiansa propio di e ciudadano Arubano en general y di esnan mas debil den nos comunidad en particular.

Desaroyo sostenibel ta un desaroyo cu ta satisface necesidad di e generacion actual sin pone na peliger e posibilidad pa generacionnan cu ta bin pa tambe provee den nan necesidadnan den futuro. E palabra a bira un concepto despues di conferencia di Estadonan Uni (EU) tocante medio ambiente y desaroyo na 1992 na Rio de Janeiro. E paisnan miembro a palabra pa lucha pa desaroyo sostenibel.

Obhetivo

• Pa otorga fondo, tanto (1) directamente pa CEDE Aruba mes, como tambe (2) indirectamente door di fungi como intermediario pa otro fondonan, en particular e asina yama Samenwerkende Fondsen Caribische Deel van het Koninkrijk.
• Pa duna sosten na y guia organisacionnan local pa (1) entrega proyectonan, (2) desaroya, guia y evalua e proyectonan, (3) studia e posibilidad nan pa financiamento di iniciativanan nobo, (4) aumenta e efectividad di e propio organisacion.
• Promove colaboracion na tur nivel; nivel micro, meso y macro.
• Señala deficiencia den sector di bienestar di Aruba y fungi como catalisado door di inicia y sostene e desaroyonan y programanan nobo den comunidad, semper en consulta cu e sectornan NGO relevante.Esaki tambe ta encera evalua si tin apoyo pa iniciativanan nobo y promove realisacion di esaki pa e NGO- nan mes.
• Fungi como socio pa loke ta trata gobierno di Aruba y di Hulanda, como tambe di instancianan local y den exterior cu ta haci donacion .
• Pa stimula investigacion riba tereno social, educativo y recreativo.

Pa medio di un decision di Conseho di Ministro di 27 augustus 2010, a institui Centro pa Desaroyo di Hende Muhe (CEDEHM)
CEDEHM ta un departamento apart cu ta resorta directamente bou di Minister di Enseñansa y Famia.

CEDEHM tin como meta pa haci investigacion, tuma iniciativa, determina agenda y crea
condicionnan riba terenonan relevante. Tur esaki e centro ta desea di haci saliendo for di e posicion di desbentaha di hende muhe den nos comunidad.

E oficina ta fungi como un punto di contacto pa organisacionnan internacional y nacional y como vocero, specialmente di e hende muhe Arubiano.

Punto di salida:
E emancipacion di hende muhe, igualdad di genero y gendermainstreaming como algun di e pilarnan mas importante pa un desaroyo sostenibel di e comunidad.

Tareanan:
E oficina tin como tarea pa duna Gobierno conseho riba tur topico importante cu ta concerni e posicion di hende muhe den sociedad Arubano.

E oficina ta duna su conseho riba peticion di un of mas minister.

E oficina ariba su propio iniciativa por duna gobierno conseho tocante e temanan menciona, e terenonan relaciona cu esaki of ocasionnan cu ta regarda esaki indirectamente.

CEDEHM ta reconoce e pensamentonan general di emancipacion cu por wordo describi como promove derecho igual, oportunidad igual, libertad y responsabilidad (social) den e comunidad Arubano pa hende muhe y homber cu ta encera:

• Realisa derecho igual, oportunidad igual y libertad pa cada un sin importa sexo;
• Crea condicionnan economico, cultural y social oportuno, den cua cada persona tin e posibilidad di ta of bira economicamente independiente;
• Mehora e posicion di hende muhe den sector publico y particular. 

Obhetivo y tareanan

En conexion cu e maneho nobo di subsidi,  Minister di Finansas y Organisacion Gubernamental; a institui Coördinatiebureau Overheidssubsidie – CBOS (oficina di coordinacion di subsidio di gobierno).

Coördinatiebureau Overheidssubsidie (CBOS) tin como meta pa realisa e sistema di subsidio, por cierto cu ta subsidio dirigi riba resultado (output) y pa percura pa su continuidad. Ademas CBOS ta apoya e buskeda y esfuerso pa haya otro fuentenan di financiamento

CBOS ta aspira pa realisa su obhetivo door di ehecuta entre otro e siguiente obhetivo principal.

• Duna conseho y sostene ministerionan, departamentonan di maneho y institutonan di e maneho di output general;
• Desaroyo, inicia, fiha, controla y evalua di financiamento basa riba output;
• Pepara e decretonan nacional corespondiente pa otorga subsidio

Pa mas informacion tocante e maneho nobo di subsidio por consulta e Handboek Overheidssubsidies Aruba 2016-2017 Guia di subsidio di gobierno 2016- 2017

Corte Comun di Husticia di Aruba, Corsou y Sint Maarten y di Boneiro, Sint Eustatius y Saba ta encarga cu hurisdiccion den prome instancia y den apelacion riba e islanan di Aruba, Corsou, Sint Maarten y di Boneiro, Sint Eustatius y Saba. Corte Comun di Husticia ta consisti di un presidente y demas miembronan y miembronan suplente. Miembronan di Corte Comun di Husticia ta trata, tanto den prome instancia como den apelacion, casonan civil, casonan penal y casonan di hurisdiccion administrativo (cu tambe ta encera casonan di belasting).

Corte di prome instancia

Un caso cu ta bay corte pa prome biaha, generalmente ta cay bou di hurisdiccion di Corte di prome instancia, cu ta parti di e organisacion di Corte di apelacion. Casonan asina generalmente ta keda trata pa un hues. Corte di prome instancia di Aruba, Corsou, Sint. Maarten y di Boneiro, Sint Eustatius y Saba tin su sede na Corsou y bou di dje ta cay tur e islanan di Aruba, Corsou, Sint Maarten y di Boneiro, Sint Eustatius y Saba. E tin su sesionnan tambe na tur e islanan. Alabes tin un Corte di prome instancia pa Aruba cu tambe ta parti di e organisacion di Corte di apelacion.

Apelacion

Corte Comun di Husticia di Aruba, Corsou, Sint Maarten y di Boneiro, Sint Eustatius y Saba ta trata casonan den apelacion cu a keda trata y sentencia den Corte di prome instancia. E hues cu a trata e caso den prome instancia, no ta tuma parti na e tratamento di e mesun caso den apelacion. E casonan den apelacion ta keda trata pa tres miembro di Corte di apelacion. E huesnan ey e ora ey ta forma Corte Comun di Husticia di Aruba, Corsou, Sint Maarten y di Boneiro, Sint Eustatius y Saba. Pues e nomber aki ta para tanto pa Corte Comun den e totalidad di e organisacion di hurisdiccion di Aruba, Corsou, Sint Maarten y di Boneiro, Sint Eustatius y Saba (bou di cua tambe e Cortenan di Prome Instancia) como pa e instancia di apelacion so (siguientemente ta  referi na dje como ‘Hof’). Tin casonan di excepcion tambe caminda tres hues di Hof ta trata casonan den prome instancia.

Colegionan special

E miembronan di Corte Comun di Husticia di Aruba, Corsou, Sint Maarten y di Boneiro, Sint Eustatius y Saba tambe ta traha hunto den colegionan special, manera Corte di apelacion den asuntonan di ambtenaar y Corte di apelacion den asuntonan di impuesto.

Kico ta Corte di prome instancia?

Un caso cu ta bay corte pa prome biaha, ta cay bou di autoridad di Corte di prome instancia. Casonan asina generalmente ta keda trata pa un hues.
Un caso di apelacion ta keda trata pa 3 hues. E huesnan aki hunto ta forma Hof. E nomber aki ta para tambe pa henter e organisacion di hurisdiccion.
Corte Comun di Husticia di Aruba, Corsou, Sint Maarten y di Boneiro, Sint Eustatius y Saba

E Departamento di Asunto Economico, Comercio y Industria (DEZHI) ta resorta bou di Minister di Finansa, Economia y Cultura y ta encarga cu dunamento di conseho na e minister tocante maneho economico y pa ehecuta e maneho na nomber di e minister. E departamento ta consisti di cinco seccion: Implementacion Maneho Economico (Implementatie Economisch Beleid), Establecimento di negoshi (Vestiging van Bedrijven), Relacion Economico Internacional y Promocion di Inversion (Buitenlandse Economische Betrekkingen en Investeringsbevordering), Maneho Economico y Cooperacion pa desaroyo (Economisch Beleid en Ontwikkelingssamenwerking) y e seccion di Servicio di asistencia general y Asunto di Personal (Facilitaire diensten en Personeelszaken). E gerencia ta desaroya, monitor y evalua e maneho socioeconomico pa un desaroyo economico duradero.

Vision DEZHI
DEZHI ta desaroya su mes den un organisacion gubernamental optimal cu ta brinda e ciudadano Arubano, companianan local y internacional y instancianan un servicio di calidad halto na un manera eficaz, profesional y dirigi riba e cliente. Ta haci esaki pa medio di un desaroyo di maneho apropia, monitor structural y control riba tereno socioeconomico.

Mision DEZHI
DEZHI ta contribui na un desaroyo socioeconomico sano y duradero di Pais Aruba: di e forma aki e ta sostene Gobierno den realisacion di un maneho y control economico bon funda. DEZHI ta independiente den dunamento di conseho na Gobierno y asina e ta facilita e tumamento di decision riba asuntonan economico y responsabilisacion di Pais Aruba.

Metanan strategico:

• Stimula un desaroyo socioeconomico duradero pa medio di diversificacion di e economia y consolidacion di e sector turistico;
• Eleva e calidad di bida di e habitantenan di Aruba door di stimula actividadnan socioeconomico ariba e isla;
• Mantene un funcionamento sano di mercado pa un crecemento balancea den economia di Pais Aruba;
• Promove Aruba como un centro di comercio pa servicio y productonan den region pa un desaroyo socioeconomico duradero ariba e isla;
• Coordina e proceso di planificacion strategico nacional y promove e coordinacion y cooperacion entre e instancianan envolvi.

Tareanan principal:

• Analisa e asuntonan socioeconomico, monitor y evalua e maneho socioeconomico, duna conseho y desaroya e maneho socioeconomico;
• Coordina e proceso di planificacion strategico nacional y promove e coordinacion entre e instancianan envolvi;
• Duna conseho tocante e preparacion y ehecucion di e maneho y proyectonan (entre otro cooperacion pa desaroyo) cu ta contribui na e desaroyo di e economia;
• Desaroya y ehecuta e maneho pa promove comercio internacional (promove exportacion di producto y servicio ) y e integracion di e economia di Aruba den e economia mundial;
• Desaroya y ehecuta e maneho pa un clima di inversion atractivo pa promove inversionnan na Aruba pa un desaroyo economico duradero (inversionistanan local y internacional);
• Duna conseho y promove un maneho socioeconomico den cuadro di e maneho di prijs (prijzenverordening), maneho pa proteccion di mercado (mededingingswetgeving) y ley di importacion, exportacion y transito (Landsverordening in, uit, en doorvoer), proteccion di consumidor (ley di consumidor), maneho energetico, maneho relaciona cu ceramento di tienda (winkelsluitingbeleid);
• Regula e comercio local pa medio di dunamento di permiso di establecimento, monitor e desaroyonan di establicemento di negoshi na Aruba y haci control riba e cumplimento di e ley di establecimento na Aruba.

Hunto cu Hulanda y Antias Hulandes, Aruba ta forma parti di Reino Hulandes y pa e motibo ey ta comparti e miembrecia conhunto di ICAO. Na aña 1986 Aruba a haya Status Aparte dentro di Reino y na mesun tempo a institui Direccion di Aviacion Civil di Aruba.

Prome a tuma over e leynan di aviacion di Antias Hulandes y a ratifica nan y a sincronisa cu e leynan Hulandes di aviacion. Na aña 1995 a haci cambionan grandi den e leynan pa por a cumpli cu e nivel di ‘Joint Aviation Requirements’ Europeo nobo (JAR-OPS, JAR-FCL, etc). Door di a cumpli cu esakinan, Aruba a logra score halto den US DOT (FAA) audit y Aruba a haya un categoria 1 di IASA!

E esfuerzo grandi aki a percura pa un cultura di seguridad profundo cerca diferente instancia di aviacion na Aruba. Autoridad di aviacion y e industria local di aviacion ta dirigi nan mes ariba logra y traha cu e standardnan di mas halto.
A dedica hopi tempo y a haci investigacion, teniendo cuenta cu e grandura di e isla y e demandanan cu ta cambiando, pa cumpli cu e demandanan halto aki como tambe pa e promocion continuo di e industria di aviacion na Aruba.
Un ehempel di esaki ta, e acuerdo cu a cera cu un otro Autoridad di Aviacion Civil pa comparti experticio.

Na e adres aki tambe ta estableci e siguiente departamentonan/seccionnan:

• Afdeling Begeleiding;
• Afdeling Informatie & Voorlichting
• Afdeling Juridische Zaken en Wetgeving;
• Sectie Onderzoek en Statistiek
• Afdeling Personeel en Organisatie;
• Afdeling Planning en Beleid;
• Afdeling Onderwijsfaciliteiten;
• Afdeling Onderwijspersoneel;
• Afdeling Onderwijsfinanciën.

Departamento di Integracion, Maneho y Admision di Stranhero (DIMAS) ta desde 1 juli 2006 e organisacion na Aruba cu ta encarga cu e ehecucion di e maneho di stranhero di e gobierno di Aruba.
Esaki ta encera cu DIMAS ta evalua tur peticion di stranheronan cu kier establece nan mes na Aruba. Por trata di personan cu no a nace na Aruba y cu temporalmente od permantemente kier traha y biba na Aruba. Pero por ehemplo tambe studiante of stagairenan cu kier sigui nan estudio of kier corre stage na Aruba.

DIMAS ta un organisacion cu ta ehecuta e maneho di stranhero na nomber di e Ministerio di Desaroyo Teritorial, Infrastructura y IMedio Ambiente.

Vision

• Actua como lider pa un administracion optimalisa y duradero di stranhero;
• envolvi e organisacionnan y partnernan colaborador pa sincronisa y ehecuta e maneho di stranhero;
• percura pa un mehoracion continuo di e calidad di servicio di e organisacion y di e personal.

Mision

• Realisa un maneho integral y duradero pa asunto di stranhero

Meta primordial
Pa ehecuta e tareanan riba e tereno di stranhero unda ta percura pa un mihor integracion, un maneho di admision restrictivo, cumplimento di e ley di Admision y Expulsion (LTU), un maneho di regreso efectivo, un maneho integral di asilo, migración y stranhero como tambe control di ilegalidad.
Desde 1 di juli 2006 Departamento di Integracion, Maneho y Admision di Stranhero (DIMAS) ta e organisacion na Aruba cu ta encarga cu ehecucion di e maneho di stranhero di gobierno di Aruba. Esaki ta encera cu DIMAS ta evalua tur peticion di e stranheronan cu kier establece na Aruba. Por ta personanan cu no ta naci na Aruba y cu temporalmente of permanentemente kier traha y biba na Aruba. Pero por ehempel tambe studiantenan di afo of stagiairnan cu kier sigui nan estudio of core stage na Aruba.
DIMAS ta un organisacion cu ta ehecuta e maneho di stranhero na nomber di Ministerio di  Desaroyo Teritorial, Infrastructura y Integracion. 

E tareanan principal di DIMAS ta:

• Trata peticion pa admision y estadia, sea pa traha of no;
• suministra (duna?) permiso pa estadia temporal of permiso pa estadia pa un tempo indefini;
• suministra (duna?) declaracion pa admision cu no ta cay bou di e ley di LTU, segun articulo 1;
• duna declaracion di garantia pa loke ta trata suministro y dunamento di visa dor di embahada y consulado den exterior;
• control riba estadia (largo) legal di stranhero;
• haci investigacion den caso di peticion pa entre otro empleado pa trabou di cas cu ta biba na e cas;
• control riba estadia cortico di stranheronan, entre otro turistanan;
• haci trabou preparativo riba tereno di maneho di naturalisacion, te asina leu cu e ta forma parti di e tarea di Pais Aruba;
• hiba un maneho intregal pa asunto di stranhero, cu otro palabra un maneho efectivo di integracion, regreso y admision.

Aki bou ta sigui un resumen di e vision, mision y tareanan di Departamento di Progreso Laboral

Vision
Un socio profesional pa promove un participacion laboral duradero di e pueblo trahado den cooperacion estrecho cu instancianan publico y priva den e cadena di mercado laboral den su totalidad pa realisa un Aruba prepara y cla pa enfrenta futuro.

Mision
Pa guia y activa buscadonan di trabou riba e mercado laboral di Aruba pa medio di intermediacion laboral.

Job Center
E departamento di Job Center (JC) ta realmente encarga cu e tarea di ehecuta intermediacion laboral. Un dunado di trabou, cu tin un vacatura den su compania, por notifica Job Center di esaki. Job Center lo trata di haya un candidato adecua pa yena e vacatura concerni. Tambe buscadonan di trabou por pidi Job Center pa interveni y yuda nan haya un otro trabou.
E intermediacion (ayudo) di JC ta encera intermedia (interveni) entre dunado di trabou y buscadonan di trabou. Ademas JC ta yuda e buscado di trabou dificil of cu no por intermedia pe.

Manpowerplanning
E departamento di Manpowerplanning ta encarga cu e mantencion y registracion di informacion di trahado di companianan local. Pa medio di e Manpowerplanning companianan ta anticipa e cantidad di personal cu nan lo mester dispone di dje pa e proximo aña.

Admision
Segun e ley di Admision y Expulsion, Minister di Integracion ta encarga cu e maneho relaciona cu otorgamento y nengamento di permiso di estadia cu of sin permiso pa traha.

 

E tarea esencial di Departamento di Recurso Humano (DRH) ta:

• desaroya y realisa e maneho di personal y organisacion di Gobierno di Aruba.

E mision di DRH ta:

• pa medio di desaroya y realisa un maneho eficaz y eficiente di personal y organisacion, contribui na un organisacion publico cu ta funciona optimalmente y cu por brinda servicio y producto di un nivel di calidad halto na e comunidad Arubano.

Banda di mision tambe a formula un vision.

• E vision di DRH ta pa den un periodo mas cortico cu ta posibel, transforma DRH den un organisacion cu ta funciona optimalmente; un organisacion caracterisa pa un maneho participativo, empleadonan cu ta capacita y motiva, como tambe pa e grado halto di innovacion, unda ta traha dirigi riba resultado y cu e cliente ta central.

E metanan principal di DRH ta:

• Contribui na un organisacion gubernamental cu ta funciona eficaz y eficiente;
• contribui na profesionalisa e organisacion gubernamental pa medio di un maneho dirigi pa loke ta trata curso, formacion y training (maneho integral di OVT- opleiding, vorming en training);
• contribui na aumenta e motivacion y productividad dentro di e organisacion gubernamental;
• percura pa un ocupacion optimal di personal di e organisacion gubernamental basa riba calidad y cantidad;
• percura pa un aplicacion uniforme y consistente di e areglonan tocante posicion huridico y instruccion tocante maneho;
• modernisa e maneho di personal y organisacion riba un base continuo;
• mehora e calidad di servicio di DRH;
• contribui na mehoracion di e calidad di servicio interno y externo di e organisacion gubernamental;
• contribui na un miho forma pa duna informacion na nivel di gerencia y responsabilisacion riba tereno di asunto di personal y organisacion.

Vision, mision y strategia di Departamento di Labor y Investigacion (Directie Arbeid en Onderzoek –DAO) ta e base pa por tin un organisacion dirigi riba desaroyo di maneho y ehecucion efectivo.

Vision di DAO

Vision ta pa:

Promove un mercado laboral ekilibra, di calidad y participativo cu ta necesario pa enfrenta futuro di Aruba cu confiansa

Mision

Mision di DAO:
DAO mester ta e organisacion prominente y mas importante pa promove un mercado laboral Arubano ekilibra, di calidad y participativo. Pesey su maneho mester tin base  y cu ta coherente y efectivo.
Ta involucra e personanan, organisacionnan y instancianan mas importante riba mercado laboral Arubano, ora di traha maneho y su ehecucion, unda busca apoyo y cooperacion.
DAO ta traha pa continuamente mehora calidad di henter e organisacion y di personal

Strategia

Oficina di Investigacion riba Mercado Laboral y e seccion di maneho ta traha intensivamente pa desaroya un maneho efectivo.
E organisacionnan cu ta ehecuta maneho ta percura y ta responsabel pa e calidad di ehecucion di maneho.
Ta discuti cu e organisacionnan di DAO cu ta ehecuta maneho e consehonan relevante riba maneho y despues di fiha esaki ta ehecuta nan.
Si ta necesario, ta vigila maneho di DAO pa loke ta trata e metanan palabra. Despues regularmente ta evalua e maneho.

Departamento di Labor y Investigacion ta resorta bou di Minister di Asunto Social, Hubentud y Labor. DAO tin como obhetivo principal promove un mercado laboral ekilibra na Aruba. Den conexion cu aki DAO ta duna conseho relaciona cu asuntonan riba tereno di mercado laboral. DAO ta percura pa desaroya maneho y ehecucion, entre otro door di haci investigacion riba movecion riba mercado laboral y ta supervisa y guia trends y desaroyonan cu ta presenta y ta coordina esaki cu e necesidad cu tin pa forsa laboral.

DAO ta consisti di e siguiente seccionnan:

• Departamento y seccion di staf (Directie en stafafdelingen)
• Oficina di Investigacion di Mercado Laboral (Bureau Arbeidsmarktonderzoek)
• Oficina di Inspeccion Laboral (Bureau Arbeidsinspectie)
• Oficina di Conflicto Laboral (Bureau Arbeidsgeschillen)

Tarea:

E tareanan principal di DAO ta:

• Promove un mercado laboral ekilibra pa Pais Aruba;
• Duna conseho na gobierno tocante asunto riba tereno di mercado laboral;
• Supervisa si ta cumpli cu legislacion laboral Arubano.

Obhetivo

DAO ta aspira pa logra e siguiente obhetivo:

• Hisa grado di participacion laboral;
• Defende posicion huridico di trahado y promove nan condicion di trabou.
• Mehora calidad di labor y capacitacion.

Meta y tarea di Oficina di Censo y Registro Civil (Dienst Burgerlijke stand en Bevolkingsregister-DBSB)

Registronan di censo y registro civil y e database di datonan di persona ta contene informacion confidencial y ta e fuente y base pa duna informacion tocante personanan. Tur instancia di gobierno cu door di nan trabou mester di informacion di persona ta obliga pa busca esaki na Censo y Registro Civil. Uzo di datonan for di registro/database di Censo tin como resultado, cu tur instancia ta traha cu mesun datonan confiabel di personanan. DBSB ta percura pa e datonan den su registro ta corecto, completo y actualisa.

Basa riba esaki e meta di DBSB ta lo siguiente:

DBSB ta responsabel pa:

• Percura pa registracion adecua di personanan y provision di datonan di persona  pa gobierno, instancianan semi-gubernamental y ciudadano;
• Pa registra acontecimento (actonan huridico y hecho huridico) den actanan, pa loke ta concerni estado civil di personanan y cu a tuma luga na Aruba;
• Uzo di registro pa suministra na un forma eficiente datonan di un calidad halto di persona como tambe traha y duna un variedad di documento;
• Prepara, coordina y ehecuta eleccionnan pa Parlamento y eventualmente tambe referendum cu, pa loke ta trata politica, ta procesonan hopi delicado.

DBSB ta un instancia di gobierno cu ta brinda servicio na pueblo y su trabou ta basa principalmente den dunamento di producto. Ta distingui productonan di DBSB den productonan compleho cu ta keda cla despues di un procedura largo unda un interpretacion amplio ta posibel y necesario (manera actanan di censo y lista di persona);

• Productonan standard cu ta keda cla lihe pa medio di un procedura standard. Ehempel di productonan standard ta un paspoort y un extracto di registro civil.

Casi tur e procesonan na DBSB ta conduci na entrega di un producto. Ademas semper ta  procesa datonan.

E tareanan di DBSB ta inclui lo siguiente:

• Procesa inscripcion di nacemento, reconocemento y fayecimento.
• Procesa asuntonan  di casamento y registracion di casonan di divorcio.
• Casa parehanan;
• Haci cambio den registro civil;
• Traha y maneha lista di personal;
• Aplica asuntonan di derecho priva internacional (IPR-aangelegenheden);
• Duna informacion for di registro civil;
• Ta laga traha y duna paspoort, prueba di identidad y extractonan;
• Prepara, coordina y ehecuta eleccionnan pa Parlamento y eventualmente referendum.
• Desaroya legislacion y regulacion riba tereno di asunto civil specifico y problematica;
• Desaroya puntonan di salida di maneho y maneho riba tereno di problematica di specifico di asuntonan civil.

Orario oficina

Dialuna pa diabierna
07.45 - 11.30
13.15 - 15.30
Diaranson merdia ta cera pa publico

Orario oficina

Dialuna pa diabierna
07.45 - 11.30
13.15 - 15.30
Diaranson merdia ta cera pa publico

E meta di Departamento di Huur y Proteccion di consumidor (Dienst Huur- en Consumentenzaken) ta pa promove un maneho balancea riba tereno di asunto di huur y di consumidor. Departamento di Huur y Asunto di consumidor ta trata di realisa su meta door di ehecuta por lo menos e siguiente tareanan, manera describi den e decreto nacional:

• Formula conseho di maneho pa e Minister di Economia, Comunicacion, Energia y Medio ambiente tocante tur asunto cu ta regarda proteccion di huur y consumidor, inclusivo duna proposicion pa adapta e legislacion existente como tambe pa traha legislacion nobo;
• Duna conseho y sostene Huurcommissie na un forma administrativo den ehecucion di nan tarea segun e ley di Huurcommissie;
• Supervisa e cumplimento di e stipulacionnan di e ley di Huurcommissie y otro ley(nan) cu tin como meta proteha e consumidor. Ta haci esaki pa medio di empleado publico specialmente asigna y encarga door di e autoridad competente cu e meta aki.
• Conseha y sostene den forma administrativo e organisacionnan apunta pa e Minister concerni of Gobierno cu tin como meta promove proteccion di huur y consumidor.

Meta di Servicio di Inspeccion Tecnico (Dienst Technische Inspecties) ta promove seguridad (na trabou, di herment, machine, instalacion y vehiculo di motor) den e sentido mas amplio di e palabra, optimalisa e circunstancia di trabou di empleadonan na compañianan y investiga situacion peligroso y accidente, proteha e ciudadano contra mal uzo di midi, peso, balansa y instrumento pa midi, proteha e empleado, ciudadano y medio ambiente contra uzo peligroso di boiler y compresor y proteha e ciudadano contra instalacion peligroso di coriente y gas. Ademas e departamento ta envolvi di acerca y activo den e maneho tecnico di medio ambiente di Pais Aruba.

Servicio di Inspeccion Tecnico a stipula como meta pa su mes pa cumpli cu e siguiente tareanan:

• Servicio di Inspeccion Tecnico ta responsabel pa controla consecion di Electron (Elektronconcessie);
• Servicio di Inspeccion Tecnico ta responsabel pa keurmento electrico;
• Servicio di Inspeccion Tecnico ta duna servicio di ‘ijk- y stoomwezen’ ;
• Servicio di Inspeccion Tecnico ta haci inspeccion di seguridad;
• Keurmento di vehiculo;
• Haci midimento tecnico;
• Servicio di Inspeccion Tecnico ta envolvi den casonan di material kimico y radioactivo;
• Asunto general.

Departamento di Finansas ta encarga cu dunamento di conseho ariba tereno financiero-economico y cu supervision ariba administracion financiero di Gobierno na nomber di Ministro di Finansas y Organisacion Gubernamental. E tareanan di Departamento di Finansas ta entre otro maneho di e cyclo di presupuesto, cyclo di capital, dunamento di informacion y control.

Departamento di Finansas ta responsabel pa entre otro:

• Duna conseho tocante preparacion y ehecucion di e maneho financiero-economico teniendo cuenta cu ‘good governance’;
• Traha, supervisa y conseha riba tereno presupuestario di Pais Aruba;
• Duna asistencia y aporte substancial na e Ministro y departamentonan riba e proceso di e ciclo anual di maneho y presupuesto;
• Maneha fluho di placa na nomber di Ministro di Finansas y
• Asunto Economico y supervisa e gastamento di esaki;
• Administracion financiero di Pais Aruba;
• Maneha e dunamento di informacion gubernamental/financiero riba nivel nacional como internacional;
• Controla cumplimento di reglanan di comptabilidad.

E ley y reglanan relevante (di comptabilidad) cu ta regla e competencia y responsabilidad ta describi entre otro den Constitucion di Aruba articulo V. 12 (presupuesto y cuenta anual) y articulo V. 13 (maneho financiero corecto) y ordenansa di comptabilidad 1989. Nan tur ta publica ariba e website aki.

Departamento di Informatica y Automatisacion ta encarga cu maneho di e infrastructura di informacion y comunicacion manera cu ta uz’e den e aparato gubernamental Arubiano. E infrastructura di TIC (Tecnologia di Informacion y Comunicacion) ta basa ariba un cantidad di componente 'state-of-the-art' manera un red masha confiabel cu practicamente ta conecta tur departamento cu otro, posibilidad di comunicacion entre e departamentonan y diferente sistema di computer cu ta asisti diferente departamento den ehecucion di nan trabou diario.

DIA tin un cantidad di empleado talentoso y cualifica cu ta varia di tecnico di computer te specialista den administracion di empresa, den servicio pa por realisa loke ta ariba menciona. Ora di busca empleado pa yena vacatura, DIA ta uza criterio stricto pa seleciona un empleado pa asina garantisa cu su nivel di calidad ta keda manteni. Tur empleado ta labora na e oficina di DIA na Playa, na unda e Servicedesk central tambe ta estableci. E sala di computer ta ubica na un otro sitio ariba e isla.

Fuera cu DIA ta maneha diariamente e rednan di computer y comunicacion cu ta den uzo, e ta envolvi tambe den un cantidad grandi di proyecto cu den mayor of menor medida tin di haber cu TIC. Asina DIA tabata entre otro envolvi cu e desaroyo di e website aki.

DIA semper ta interesa pa haya contacto cu empleadonan potencial. Si tin interes pa sera conoci di mas cerca cu nos, por tuma contacto cu nos pa medio di e adres di E-mail aki riba menciona.

Vision
E Departamento di Infrastructura y Planificacion ta un organisacion profesional y dinamico cu ta hiba un maneho iniciador door di traha den team y na unda e cliente ta central. E departamento ta percura pa e ehecucion y control di e maneho stipula, den cua e tin un funcion di direccion y guia. Un tarea esencial relaciona cu e maneho ta pa midi e interesnan conflictivo. E meta ta pa crea un base social amplio cu ta conta cu apoyo di e comunidad pa e maneho stipula.

Mision
Pa facilita e demanda pa tereno (y awa) dor di un desaroyo teritorial planifica y integral, p’asina por garantisa un medio ambiente ideal pa biba y duradero pa e actual generacion y esnan den futuro.

Metanan:

• Desaroya y implementa plannan teritorial cu ta haci posibel un desaroyo integral y planifica di Aruba;
• ciudanonan cu ainda no tin parcela pa vivienda y cu haci un peticion pa esaki ta haya contesta y ayudo na un forma transparente, cla y adecua pa soluciona nan meta pa vivienda;
• crea na un forma eficiente parcela pa vivienda cu ta cubri e demanda di e clientenan, unda ta percura pa un ocupacion balancea di Aruba. E posibilidadnan di vivienda realisa tin cu conduci riba termino corto na un ambiente di vivienda y bida planifica y di calidad halto;
• percura pa un utilisacion optimal di e infrastructura existente denter di e teritorionan ya desaroya. E meta ta pa contribui na soluciona e problema di vivienda y pa mehora e calidad di bida y di vivienda;
• realisa na un forma adecua y eficiente e funcion di maneho administrativo pa e terenonan y awa ya otorga;
• pa garantisa e seguridad legal y proteccion di e ciudadanonan, institucionnan y negoshinan dor di controla y/of obliga cumplimento di ley. Di forma aki ta garantisa e calidad di nos medio ambiente;
• contribui na un manera efectivo na e desaroyo economico y social di Aruba dor di crea zonanan y completa esakinan cu funcionan economico y social;
• busca alternativa y solucion na un manera proactivo pa e clientenan, stakeholders y e ministro encarga.

Orario DLVV/Santa Rosa

Orario pa publico        07.00 - 12.00
                                       12.00 - 16.00

Orario caha                 07.30 - 12.00
                                      12.00 - 15.00

Fin di siman, dianan di fiesta y dianan di ATV ta cera pa publico

Directie Landbouw, Veeteelt, Visserij en Markthallen (DLVV), tambe conoci como Santa Rosa, funda na aña 1976 na prome instancia como un stacion experimental di gobierno. Mas despues DLVV su meta a bira pa haci uzo eficiente di e fuentenan di ayudo, tanto financiero como natural dor di promove y desaroya agricultura cu atencion particular pa horticultura, cria di bestia y pesca. DLVV ta primeramente dunador di servicio pa promove e sector agricola y pesca. Percura pa conservacion y administracion di e ambiente natural tanto riba tera como den laman, tambe ta forma parti di su tarea. E tareanan ta encera tambe haci investigacion, ehecuta proyecto, percura pa duna informacion y colecciona dato relata na e sector primario, esta naturalesa y medio ambiente.

Directie Natuur en Milieu (Departamento di Naturalesa y Medio Ambiente) ta encarga cu e tarea pa:
Prepara, traha, ehecuta y evalua maneho cu ta conduci na un ambiente di bida saludabel pa hende y naturalesa na Aruba unda e meta primordial ta pa mantene, protege y mehora calidad di naturalesa y medio ambiente.

Directie Natuur en Milieu (Departamento di Naturalesa y Medio Ambiente - DNM) a keda estableci oficialmente riba 1 di januari 2012 segun landsbesluit di 30 di november 2012. DNM ta principalmente un instancia di maneho y tin como tarea principal

• Traha maneho
• Investigacion y monitoring
• Inspeccion

E areanan di trabou di DNM ta:

• Sushi
• Biodiversidad y Ecologia
• Substancia Peligroso
• Cambio di clima y Calidad di Aire
• Calidad di suela
• Calidad di awa
• Negoshi.

DNM ta consisti di e siguiente departamentonan:

• General
• Huridico
• Comunicativo
• Maneho
• Investigacion y Monitoring

Director di DNM ta encarga cu maneho.

Departamento di Maneho ta encarga cu tareanan principal cu ta encera traha di maneho y duna informacion pa formula y evalua maneho.
Departamento di Investigacion y Monitoring ta prepara y ehecuta investigacion y analisis riba tereno di naturalesa y medio ambiente. Ta uza resultado di investigacion pa prepara y desaroya maneho di naturalesa y medio ambiente.
Departamento di Inspeccion ta encarga cu investigacion di actonan castigabel manera stipula den ley y regulacion, protocol, instruccion, permiso y acuerdonan. Tambe ta registra tur kehonan, notificacion of tocante di naturalesa y medio ambiente y ta manda esakinan pa por duna castigo of ta persigui es nan envolvi.

Ademas tin diferente departamento cu ta encarga cu ehecucion di tareanan di naturalesa y medio ambiente.

• Departamento di Obra Publico (DOW) ta encarga cu purificacion di awa di riool, mantencion di rooi, beach, canto di caminda y landscaping. Pa substancia peligroso DOW tin un deposito pa substancia expolsivo.
• Departamento di Inspeccion di Remedi ta responsabel pa supervision di importacion di insecticida y armanan biokimico.
• Serlimar ta encarga cu pikimento di sushi di cas y ta maneha dump manera Parkietenbos y Gabilan.
• Segun e plan di calamidad, ora cu tin un incidente of calamidad, Brandweer ta esun prome yama pa asunto di medio ambiente. Den e plan ta menciona e departamentonan cu ta yama pa duna asistencia den e plan parcial cu falta pa fiha ainda.

Meta di Departamento di Asunto di Telecomunicacion ta:

• Prepara, ehecuta y supervisa cumplimento di ley y reglamento deduci for di e leynan aki relaciona cu telecomunicacion;
• prepara, ehecuta y supervisa na un manera practico e maneho di e spectrum di frecuencia y monitor e uzo di aire di transmision;
• prepara y ehecuta maneho general di Gobierno riba tereno di telecomunicacion (maneho general, permiso, tarifa y dunamento di number);
• coordina y conseha pa loke ta trata asunto internacional di telecomunicacion y cu organisacionnan internacional di telecomunicacion.

Ehempel di infrastructura di comunicacion cu DTZ, di un of otro manera,  ta envolvi ta:

• Red di paging netwerken (instalacion di transmision di radio); Esaki ta un red cu cual ta haci transmision den un direccion di mensahe di voz y alfanumerico. Ta manda mensahe via e red di telefon pa un ‘paging terminal’ cu ta transforma e mensahe den un formato cual despues por transmiti sin waya via un instalacion di transmision pa un teminal chikito di cliente (instalacion pa ricibi);
• Internet Café via e infrastructura di SETAR. Internet Café ta localidadnan unda e cliente por haya acceso na Internet via terminal cu ta disponibel. Pa e bira atractivo pa e clientela ta cambia e luga manera un café;
• red di data cera pa compañia su mesun trabounan. Compañianan cu kier instala un conexion di data interno, hopi biaha wireless, entre nan edificionan por haci esaki;
• esaki ta concerni solamente conexion pa propio proceso di trabou y no por tuma lugar pa medio di un otro compañia. E conexion ariba e red di telefon publico por sosode solamente via di SETAR;
• telefon pa medio di Internet cu nan corespondiente Calling Cards. E conexion actual pa papia ta sosode mayoria biaha pa medio di circuito di schakel. Avance di Internet ta haci conexion pa papia basa riba protocol di Internet tambe posibel.

Directie Voogdijraad ta e instancia pa proteccion di mucha na Aruba y ta resorta bou di Ministerio di Husticia. Nos tarea principal ta proteccion di menor di edad pa promove nan desaroyo pa adulto.

Directie Voogdijraad pa ley ta autorisa pa crea medida pa proteccion di mucha pa proteha menor di edad.

Directie Voogdijraad ta defende derecho di mucha, pa ken su desaroyo y criansa ta menasa. Pa logra esaki ta haci investigacion riba risico y factor di proteccion cu tin den e famia, unda e interes di e mucha ta central

Di e forma aki Voogdijraad por determina si un medida di proteccion di mucha ta necesario pa garantisa e siguridad y desaroyo di e menor. Ta haci investigacion denter di un cuadro multi-disciplinario unda ta investiga ambiente directo di e menor, manera instancia y scol. Si for di e investigacion ta resulta cu e derechonan fundamental di menor ta den peligro, e ora ey Directie Voogdijraad lo tuma e pasonan necesario pa proteha e menor. Proteccion ta sosode tanto riba tereno social como financiero.

Formanan di proteccion:

• Haya un orden  pa pone bou di autoridad
• Pone bou di supervision temporario
• Pone bou di supervision
• Dispensa (ontheffen) di tutela
• Kita autoridad paternal

Directie Voogdijraad ta segun ley e organo di conseho pa Corte den casonan cu ta trata menor di edad. Ta trata di casonan di cambio di voogd, casonan di adopcion, casonan di paternidad, etc.

Meta

“Pa garantisa y proteha e derecho fundamental di menor di edad p’asina e por tin un desaroyo saludabel y balansa den su desaroyo y crecemento pa bira independiente”

Tareanan 

• Duna informacion na publico via di e assistent social y e assistent financiero;
• Haci investigacion ora tin sospecho di maltrato di mucha, abuso y negligencia;
• Interveni durante crisis den caso di menasa severo pa e desaroyo di un menor;
• Percura den caso cu esaki ta urgente y inmediatamente necesario pa haya e medida di proteccion di mucha relevante, pa por evita decadencia moral, fisico y mental;
• Cuido di un menor cu segun algun orden legal door di Hues of  Ministerio Publico a  keda poni bou di proteccion di VoogdijraadDuna conseho pa medio di un representante, riba peticion of no, na huesnan den tratamento di casonan di derecho familiar den casonan di dunamento di custodia, determina e luga di residencia principal y e derecho di bishita di e mayornan den caso nan di divorcio of di separacion di mesa y cama;
• Haci investigacion, riba peticion di Hues, riba e situacion ambiental y financiero (autoridad di mayor, luga principal di residencia oficial, bishita y alimentacion), decision tocante voogd y/of cambio y peticion di adopcion, ta traha rapport y ta duna conseho riba esaki;
• Ta fungi como curator special riba asuntonan di paternidad di un menor, nombra pa  Corte den Prome Instancia. Voogdijraad ta representa e interes di e menor durante tratamento di e caso riba base di e akte van uitlating (acta di expresion di opinion) entrega;
• Mediacion den alimentacion y peticion di stipulacion legal di alimentacion riba peticion di e mayor cu ta encarga cu cuido di e menor.Percura pa e suma entrega na Voogdijraad pa mantencion di e menor wordo paga na esun cu tin derecho riba e suma;
• Percura pa por facilita autoridad riba un menor ora keda conoci cu un menor no ta para bou di autoridad rekeri pa ley of no ta eherce e autoridad aki riba dje;
• Intermediacion pa por trata/ bishita e menor riba peticion di un di e mayornan y/of Corte;
• Duna declaracion di autoridad paternal.  

Fuente: www.org.aw

Aki ta sigui un resumen di e vision, mision, meta y e tareanan di e Departamento di Legislacion y Asunto Huridico.

Vision
E Departamento di Legislacion y Asunto Huridico (Directie Wetgeving en Juridische Zaken) ta suministra claridad den e mundo compleho huridico pa Pais Aruba.

Mision
E Departamento di Legislacion y Asunto Huridico (DWJZ) ta promove un gobernacion adecua, eficiente y husto door di duna conseho cla y transparente, defensa di interes y reglamentacion. DWJZ ta traha hunto cu otro ministerionan pa un evaluacion y comparacion husto di e derecho y e obligacion di gobierno y di e ciudadano. Nos meta central ta pa duna servicio y productonan na nos clientela: individuo, organisacion y companianan. Nos cliente ta central, tanto den nos manera di traha como e forma con nos organisacion ta hinca den otro. Nos ta traha pa resultado, nos ta consciente di e gastonan y ta trata nos clientenan na un manera amabel, habri y cu dedicacion.

E Departamento di Legislacion y Asunto Huridico ta sostene y facilita e diferente departamentonan den elaboracion di nan producto y servicionan. Ademas e gerencia tin un funcion di control y investigativo ora cu ta trata di asunto cu ta concerni gobierno. E ta vigila e posicion huridico di e organisacion completo y ta practicamente “e consenshi huridico”. Den casonan cu sa presenta e gerencia por duna conseho, sea pidi of no pa loke ta trata e proceso huridico y e consecuencianan cu por resulta for di esaki. Di un banda nos tin un rol pa evalua y controla den e marco di ley y di otro banda nos ta duna conseho y apoyo na momento di ehecucion di un ley.

Meta
E Departamento di Legislacion y Asunto Huridico (Directie Wetgeving en Juridische Zaken) tin como meta promove un maneho adecua, eficaz y husto di e organonan di estado y evalua e derecho y debernan di gobierno y e cuidadano den cooperacion estrecho cu otro ministerio.

Tareanan:

E Departamento di Legislacion y Asunto Huridico (DWJZ) ta aspira pa realisa su meta door di ehecuta e siguiente tareanan:

•  Traha tur reglamento necesario, cu ta forma parti di e tarea di DWJZ;
• Publica tur reglamento den e Gazeta Oficial (afkondigingsblad) y e landscourant (Gazeta di Pais Aruba) y e trabounan corespondiente cu esey;
• Studia y analisa e desaroyonan huridico y politico di asuntonan di Reino y asuntonan constitucional;
• Prepara conseho, documentonan di maneho y investigacion riba e tereno aki;
• Atende asuntonan di derecho administrativo (di gobierno) pa tur ministerio;
• Atende asuntonan relaciona cu derecho di estado, derecho civil, derecho comercial y derecho penal, demanda (accion) hudicial civil y demanda penal;
• Traha, riba peticion of no consehonan huridico y di maneho pa ministerionan cu ta relaciona cu derecho di estado, derecho civil, derecho comercial, demanda (accion) hudicial civil y demanda penal;
• Traha, riba peticion of no, conseho huridico y di maneho pa minister di Husticia relaciona cu temanan riba tereno di orden publico y seguridad; organisacion di hurisprudencia, derecho di persona huridico, nacionalidad, admision y expulsion, aplicacion di legislacion penal y legislacion particular realisa bou di e responsabilidad di e minister di Husticia;
• Traha, riba peticion of no, consehonan huridico y di maneho pa ministerionan tocante dunamento, prolongacion, revocacion di permiso, autorisacion y dispensacion;
• Fungi como abogado di Pais Aruba den e Corte di Prome Instancia, den Corte Comun di Husticia, duna conseho -riba peticion of no- tocante tur caso administrativo y huridico, representa Pais Aruba y su organonan gubernamental den tur procedura cu ta regarda LAR;
• Publica anuncio oficial di gobierno cu ta legalmente obligatorio tocante di permiso y otro asunto parecido.

‘Monumentenzorg’ na Aruba a demostra e ultimo añanan su derecho di existencia.
Den boca di pueblo ta compronde bou di ‘Monumentenzorg’ e tres organonan cu derecho civil y cu ta activo riba tereno di monumento, esta Conseho di Monumento, Oficina di Monumento y Fundacion Fondo di Monumento.

Dia 17 di juni 1996 a funda e Fondo di Monumento Aruba cu tin como tarea primordial, obtene y maneha medionan financiero pa restauracion di monumento na Aruba. Fundacion Fondo di Monumento Aruba tin un directiva di tres miembro.
E oficina mes tin dos trahado.

Historia di Fundacion Lotto pa Deporte
Fundacion Lotto pa Deporte a ser funda na 1982 cu e meta pa haya fondo pa deporte, educacion fisico y cultura. A dura sin embargo dos aña prome cu e fundacion por a cuminsa opera. Te na 1984 e fundacion a cuminsa cu benta di un producto di Lotto cu a haya e nomber “Lotto pa Deporte”. Den añanan 90 a añadi un di dos producto, asina yama raspaito. Na 1996 e Fundacion a haya un director nobo cu  tabata tin como trabou principal pa automatisa e bendemento di Lotto. Prome tabata haci tur cos manualmente. Despues di negocia pa varios aña, a introduci e sistema on-line den luna di october di 1996. Durante di e añanan a introduci e productonan Catochi, Wega di number Korsou, Big 4, Lotto di Dia, Mini mega (Mega Plus), Lotto 5, Zodiac, Raspa y Facilito. Awendia e Fundacion ta bende nuebe producto. Den futuro e fundacion tambe lo introduci un producto di Bingo on-line pa e poblacion local. E fundacion cu a cuminsa cu 50 punto di benta awendia tin 195 punto di benta.

E organisacion
Fundacion Lotto pa Deporte ta un fundacion cu ta resorta bou di e Ministerio di Salud Publico y Deporte. E fundacion tin un directiva apunta door di Gobierno. E directiva ta supervisa e implementacion di e maneho di e fundacion y e director ta ehecuta e maneho.

E constelacion
Fundacion Lotto pa Deporte tin un oficina cu ta traha bou di responsabilidad di un directiva nombra pa ministro di Salud Publico y Deporte y pa ministro di Finanzas.

E meta di e fundacion
E meta di e Ley di Loteria Arubano ta pa duna apoyo financiero na deporte, practicanan fisico y cultura. Pa por realisa un otorgamento balancea di e fondonan na e organisacionnan deportivo, e Minister a asigna un Sport Subsidie Commissie (Comision di Subsidio pa Deporte) cu ta encarga pa inventarisa y controla tur subsidio pa deporte.

Subsidio
Desde october 1996 te cu december 2006 e fundacion a entrega mas cu 125 miyon na premio y mas cu 25 miyon a ser poni disponibel pa deporte y cultura. E fundacion a haci inversion grandi den proyectonan importante pa e pueblo di Aruba, principalmente e Parke Curason Jaburibari, Centro Deportivo Frans Figaroa, Stadion Guillermo Prospero Trinidad, Centro di Bario Jara, Centro di Bario Simeon Antonio pa no papia mes di tur e competencianan deportivo y materialnan deportivo.  

E vision di Cuerpo Policial Arubano

Cuerpo Policial Arubano ta desaroya su mes continuamente den un organisacion profesional, transparente y acesibel. Cuerpo Policial Arubano ta percura pa seguridad y pa nos pais ta un luga apto pa biba y pa habita dor di e coperacion extenso cu aliadonan interno y externo.

E mision di Cuerpo Policial Arubano

Cuerpo Policial Arubano ta dirigi su mes riba un control di seguridad integral. Ta alcansa profesionalismo dor di recluta y selecta personal, dor di percura pa cursonan relevante y dor di pone enfasis riba un actitud pa cu trabou corecto.

E presencia di polis ta bira mas visibel y ta aumenta dor di traha den cercania directo di e cuidadano entre otro dor di e postnan di Polis di Bario y vigilancia intensivo. Dor di duna un bon servicio, polis ta bira mas acesibel entre otro dor di uso di 1 loket y un sistema unda por entrega y registra keho(areglo di keho).

Ministro di Cultura a institui na aña 1994 e Conseho di Monumento. Na januari di aña 1996 a sigui Oficina di Monumento y na juni di aña 1996 e Fondo di Monumento.

Vision:
Duna bida nobo na e monumentonan di Aruba y nan ambiente na un manera cu ta cultural historico responsabel, pa di e manera aki nan por bira un lugar na unda por biba, haci compra y traha. E turista tambe por haya un lugar agradabel pa por keda.

Mision:
Administra e proceso di conservacion di monumento na Aruba na unda e proteccion, mantencion y restauracion di monumento ta central.

Maneho:
E metanan di Oficina di Monumento ta encera lo siguiente:

• Stimula, stipula norma y controla activamente e cumplimento cu e ordenansa di monumento (AB1991 no. GT46);
• Adapta e ordenansa di monumento na loke ta sosode den practica;
• Inicia e procedura pa apunta despues di finalisacion di e baloracion;
• Formulacion di un sistema di permiso.

Museo Arkeologico Aruba ta investiga, documenta y administra artefacto arkeologico y lugar di hayamento na Aruba. Alabes ta informa tanto e comunidad local como esun internacional tocante e herencia cultural Indio-Americano di Aruba.

Serlimar ta un compania di Pais Aruba, cu ta garantisa comunidad un medio ambiente limpi y saludabel pa biba aden dor di ehecuta actividad ariba tereno di  prevencion di desperdicio, recohemento y procesamento di desperdicio y cuido di mata na un manera responsabel, eficiente y servicial.

E maneho di Gobierno di Aruba tin atencion pa un isla na unda nos por biba. E maneho ta dirigi ariba un desaroyo duradero den cual e bienestar di e ciudadano ta central. Un isla unda nos por biba ta encera entre otro: un ambiente limpi, naturalesa den harmonia, beach y bocanan limpi, caya y parke publico limpi, na unda hende por cana, traha, recrea y sosega sin cu e ta core peliger pa su salud. E puntonan principal den e aspiracion pa un desaroyo duradero ta formalisa circuitonan, stimula maneho integral di cadena, uzo di tecnologia limpi y consumo conciente di medio ambiente. Den esaki ta tene cuenta cu otro(nan) p’asina no pasa e efecto negativo pa un otro hende, otro pais of e generacion cu ta bini.

Tarea di Serlimar ta entre otro:

• Duna conseho (hunto cu otronan) tocante e maneho cu mester ehecuta relaciona cu hygiena ambiental y en particular pa loke ta encera desperdicio solido, desperdicio kimico, wacharaca di auto, asbest y otro desperdicio cu por ta un peliger pa e medio ambiente;
• elimina (recohe, warda, transporta, procesa) desperdicio solido y kimico for di nos isla y comunidad;
• mantencion di hofi di edificionan di gobierno y santana publico y ariba peticion mantencion di cura di scol, departamento/servicio of organisacionnan gubernamental;
• maneho di atraccion recreativo publico manera formacion di piedranan di cual esun mas popular ta Ayo y Casibari y e beachnan publico;
• supervisa y maneha personal y material como tur facilidad destina pa logra e metanan aki;
• ariba termino introduci servicio nobo manera chica pos.

Conseho Social Economico (SER) a keda institui na 1987 pa medio di e Ley di Conseho Social Economico (AB 1987 no. 103). SER ta consisti di representantenan di organisacion di trahado y dunado di trabou como tambe di expertonan independiente.

SER tin como tarea duna gobierno conseho tocante tur asunto importante riba tereno social y/of economico. SER ta duna conseho riba peticion di un of mas minister. Tambe SER por duna conseho riba su propio iniciativa tocante asunto di caracter social economico.

Ta redacta e consehonan di SER segun sentimento di mayoria den e reunion. Den caso cu un minoria tin un punto di bista diferente, lo menciona esaki den e conseho.

Ta publica e consehonan cu SER ta duna despues di un periodo di por lo menos 30 dia y di maximo 60 dia, cu excepcion si segun opinion di gobierno publicacion di e conseho concerni ta contra interes di Pais Aruba. Of si ora a pidi conseho di SER, a indica na e organo cu publicacion di e conseho lo tuma luga door of di parti di Minister di Asunto General.

Publicacion di conseho di SER door di Ministro di Asunto General ta tuma luga denter di 90 dia despues cu SER a duna esaki.

 

UNOCA ta traha na desaroyo cultural como parti di desaroyo general di Aruba.

Reforsa identidad colectivo Arubano ta e meta primordial cu UNOCA kier logra.

Cu realisacion di Status Aparte e responsabilidad pa forma un solo pueblo y un solo nacion a bira mas grandi. Cada ciudadano mester ta orguyoso di ta forma parti di un nacion den cua cada un ta asumi su responsabilidad pa aporta na su propio bienestar y na bienestar general.

Consciente di su responsabilidad grandi, UNOCA den su maneho ta duna atencion na necesidadnan cu ta sali for di comunidad Arubano y ta duna prioridad na reforsa nos identidad Arubano, optimalisa infrastructura cultural y oportunidad pa mas hende den nos comunidad participa na eventonan cultural.

Comunidad Arubano tin derecho ariba participacion y acceso na bida cultural. Tambe e tin derecho y obligacion moral pa influencia decisionnan cu tin consecuencia pa su posibilidad y capacidad pa por expresa su mes culturalmente. Expresion cultural ta di y pa pueblo.

A funda United Nations Educational, Scientific and Cultural Organiszation (UNESCO) dia 16 di november 1945 y e ta un agencia specialisa di Nacionnan Uni. Pa UNESCO enseñansa, sciencia, cultura y comunicacion, ta e recursonan pa logra un meta ambicioso grandi: establece pas den mente di e hende.

“Since wars begin in the minds of men, it is in the minds of men that the defenses of peace must be constructed”
UNESCO Constitution

Desde 20 di oktober 1987 Aruba ta miembro asocia di UNESCO.

Meta di Algemene Rekenkamer ta:
 

• Contribui na mehoracion di calidad di gobernacion door di cumpli cu e tarea cu el a keda encarga cu ne pa medio di e Constitucion.

Tarea/Competencia

• Algemene Rekenkamer (Rekenkamer) ta segun articulo IV.5 di e Constitucion di Aruba encarga cu investigacion riba efectividad y legitimidad di entrada y gasto di Pais Aruba (Pais). Basa riba e prome te cu di tres inciso di articulo 31 di Landsverordening Algemene Rekenkamer (LARA) Rekenkamer tin autorisacion tambe pa investiga instituto, federacion, corporacion, NV, fundacion of otro entidad cu ta ricibi subsidio di Pais of cu ta maneha placa y producto cu Pais Aruba ta suministra;
• durante nan investigacion riba legitimidad, Rekenkamer ta investiga si e cuentanan di entrada y gasto, ta contene tur post cu segun regla mester aparece den nan y/of si e cuentanan ta redacta conforme e proceduranan legal y ley di presupuesto. E proceduranan aki ta stipula den entre otro e ley di Contabilidad 1989 (Compabiliteitsverordening V 1989) (CV 1989 ta stipula e forma pa maneha y responsabilisa placa di Pais Aruba);
• durante investigacion di efectividad Rekenkamer ta averigua si un decision di maneho a logra e obhetivo (eficacia) cu menos uzo posibel di e recursonan (eficiencia);
• tambe ta investiga si a tene cuenta cu e regulacionnan legal y si e besluit (decreto) y beschikking (disposicion)) di e autoridad competente ora di haci cobransa (di entradanan pa Pais) y pago (door di Pais). Rekenkamer mester controla (vigila) si e cobransanan y pagonan di Pais Aruba ta tuma luga cu e rapidez necesario y si tur placa y producto di Pais Aruba ta maneha na un forma efectivo;
• Rekenkamer ta obliga pa informa Parlamento, Conseho di Minister of e minister(nan) concerni riba tur proposicion, comentario y critica, cu e ta haya util pa loke ta trata entrada y gasto, como tambe pa mehora of simplifica maneho di placa di Pais. Tambe Rekenkamer tin e autoridad pa suministra informacion cu e ta haya necesario den interes di Pais Aruba na Gobernador y Parlamento di Aruba y delibera a base di e informacion aki.

Archivo Nacional Aruba (ANA) ta e departamento cu ta warda, cuida y proteha nos archivonan (documentonan, potretnan, video’s, cassette etc.), cu tin un balor historico pa Aruba.
E archivonan ta manera e ‘memoria nacional y herencia cultural’ di nos pais.

ANA tin como meta pa amplia e servicio completo y perfecto, na unda nos herencia nacional-cultural-historico ta keda warda y uza na un manera responsabel na disposicion di esnan cu kier haci investigacion, esnan cu ta buscando informacion of derechonan, y tambe pa e futuro generacionnan cu kier sa mas di e historia di nos pais.

ANA su tarea principal, ta pa warda, cuida y conserva tur e archivonan cu ta cerca ANA of na e otro departamentonan.

Por considera como tarea di ANA entre otro:

• Administra tur archivonan ricibi for di gobierno of instancianan particular;
• inspecciona e cuido di archivonan di gobierno en general;
• conseha gobierno riba maneho general di archivo di pais Aruba;
• controla, ordena, describi y haci e archivonan accesible pa investigacion;
• duna informacion relaciona cu e documentonan warda den e archivo;
• haci investigacion y publicacion di e investigacionan;
• haci investigacion genealogico (stamboom) pa esnan cu ta interesa den nan historia familiar;
• haci reproduccion di potret, video, etc.

Vision pa futuro, ANA kier amplia e servicionan entre otro door di:

• Bira e deposito central pa e archivonan di gobierno;
• bira un centro di informacion y investigacion;
• ofrece e posibilidad na otro personanan of instancianan pa warda nan archivo;
• Stimula interes den historia cerca e comunidad, door di:
  • Ofrece e facilidad di un sala di estudio pa muchanan y adultonan;
  • un centro di educacion y actividad na unda lo duna cursonan/lecturanan riba tereno di archivo y historia di Aruba.

Orario general: dialuna-diabierna di 7.30 a.m. – 12.00 p.m. – 1.00 p.m. – 4.30 p.m.
Orario Sala di estudio: dialuna – diabierna di 8.00 a.m. 11.45 a.m. – 1.30p.m. - 4.00 p.m.

Aruba Sport Unie, funda dia 23 di december 1941, ta e bond madre di 25 bond deportivo. Pa bira miembro di A.S.U. e organisacion mester ta un persona huridico y no mag di tin un miembro pa e deporte ey caba den A.S.U.

A.S.U. ta maneha dos facilidad cu ta nan propiedad, esta Joe Laveist Sport Park na San Nicolas y Centro Deportivo Betico Croes na Sta Cruz.

Joe Laveist Sport Park ta un parke multi funcional, tin posibilidad pa practica basebal football, volleyball,  basketball y atletismo. Sa uza e parke tambe pa concierto. Por huur e parke of un parti di dje pa tur e actividadnan aki. Pa haci esaki mester tuma contacto cu oficina di A.S.U.

Centro Deportivo Betico Croes ta completamente airecondiciona y ta uz'e pa tur sport di paden y arte marcial. Huur di e sporthal ta depende di cuanto hende mester uza pa maneha e lugar pa e actividad y ki sorto di actividad e ta. Pa mas informacion por yama oficina di A.S.U. na e numbernan di telefon ariba menciona.

'Bureau Interne Diensten’ ta manera e nomber mes ta bisa, un departamento cu principalmente ta brinda servicio na e otro departamentonan di gobierno. E tarea primordial di ‘Bureau Interne Diensten’ ta percura pa registracion di corespondencia y maneho di archivo pa Gobierno. ‘Bureau Interne Diensten’ ta tambe e instancia oficial dentro di gobierno na unda mester dirigi tur corespondencia pa Ministronan pa registracion. BID ta percura tambe pa manda carta Decreto nacional, Decision di Ministro y contract.

E oficina a defini e siguiente metanan pa su mes:

• Profesionalisa e dunamento di servicio poniendo mas enfasis ariba e cliente;
• implementa y maneha funcionalmente e sistema automatisa pa maneho central di registracion di corespondecia pa gobierna, esta DECOS Document Web Editie;
• stipula e maneho di documento y archivo na tur otro departamento;
• optimalisa e trafico di corespondencia y dunamento di servicio entre e departamentonan y ‘Bureau Interne Diensten’ dor di uza e servicio central di bode y e oficina central di compra.

Aki ta sigui un resumen di e mision, vision, meta y e tareanan di Oficina pa Prevencion di Desaster (Bureau Rampenbestrijding).

• Oficina pa Prevencion di Desaster tin como mision; desaroya y implementa un maneho optimal riba e tereno di organisacion di control di crisis y combatimento di desaster, p’asina garantisa e seguridad general di bida y salud di e pueblo, medio ambiente y economia di Aruba;
• Vision di Oficina pa Prevencion di Desaster ta pa den un futuro cercano, e organisacion di control di crisis y combatimento di desaster ta di tal manera avansa, cu tin un cooperacion optimal entre diferente departamento y organisacion y cu e intercambio di informacion relevante entre nan ta na un manera flexibel;
• Oficina pa Prevencion di Desaster tin como meta pa promove e calidad di combatimento di desaster na Aruba pa medio di e tareanan cu tin stipula den  legislacion, p’asina por realisa un comunidad resistente, consciente y dooor di esey mas sigur, unda cada ken ta tuma su responsabilidad.
  
  Tareanan/competencia:
• Duna sosten na Minister di Asunto General den ehecucion di su tareanan stipula pa of den virtud di e Ley di Calamidad;
• conseha gobierno en general y e Minister di Asunto General en especial, cu of sin dialogo cu otro instancianan tocante control di crisis y combatimento di calamidad;
• prepara, desaroya y implementa e maneho relaciona cu control di crisis y combatimento di desaster y pa percura pa e plan di crisis, plan di calamidad y pa e plannan di control y combatimento;
• prepara e parti operacional di e plannan di comunicacion y di logistica y prepara pa tuma of laga tuma medidanan dirigi riba prevencion di crisis y desaster door di e instancianan competente;
• prepara y realisa cursonan, practicanan y percura pa evalua practicanan y ehercicionan (training);
• prepara y mantene facilidadnan di infrastructura pa e directiva encarga cu control di crisis y combatimento di desaster, manera material, ekipo, alohamento protehi y aparatonan di comunicacion;
• percura pa informacion y notificacion den caso di crisis of desaster y percura pa evaluacion despues cu un desaster y crisis a tuma luga;
• evalua e plannan di control y combatimento existente y nobo tocante di crisis y desaster a base di e leynan, decisionnan, reglanan y/of ordenansanan relevante y haci e cambionan necesario.