Un ordenansa nacional (ley) por tin consecuencia drastico pa e ciudadanonan. Por ehempel un comportacion por bira castigabel, impuesto por subi of por bin cambio den e procedura di eleccion pa medio di un ordenansa nacional. Den capitulo V di Constistucion di Aruba ta para tur e stapnan cu un proyecto di ordenansa nacional mester pasa prome cu al fin e bira un ordenansa nacional. Tur esaki pasobra ordenansa nacional ta trata asuntonan cu ta delicado.
Creacion di ordenansa nacional  | - Riba peticion di un minister ambtenarnan ta traha un proyecto di ley (ordenansa nacional);
- E ministro ta propone Conseho di Ministro (CdM) pa entrega e proyecto di ley na Parlamento.
|
- Si Conseho di Ministro bay di acuerdo, e proyecto di ley ta bai Conseho di Consulta (CdC) pa conseho.
|
- Conseho di Consulta ta trata e proyecto di ley;
- E ministro por defende su punto di bista den un rapport y por trece cambio den e proyecto di ley. E ministro ta manda e proyecto di ley pa Parlamento.
|
- Un comision di miembronan di Parlamento ta trata e proyecto di ley. E comision ta duna nan comentario por escrito despues di cual e ministro por trece cambio atrobe den e proyecto di leyijzigd;
- Parlamento ta trata e proyecto di ley den un reunion publico caminda e ministro ta haya oportunidad pa defende su proposicion;
- Ta cera e reunion cu votacion riba e proyecto di ley cu eventual cambionanerordening.
|
- Gobernador ta firma e ley (ordenansa nacional) nobo;
- Banda di Gobernador un ministro ta firma (contraseign). E ministro y no Gobernador ta responsabel pa e ley nobo.
|
- Ministro di Husticia (MinHus) ta percura pa publica e ley den Gazeta Oficial di Aruba, pa asina tur hende por ta na altura di e ley;
- Den e ley ta stipula ki ora e ta drenta na vigor. Drentamento na vigor por sosode tambe pa medio di un decision of regulacion apart.
|
E procedura ta casi igual ora ta trata proyecto di ley (ordenansa nacional) cu miembronan di Parlamento ta inicia.
