Constelacion

Mescos cu e otro tres Paisnan den Reino, Aruba tambe conoce e asina yama democracia parlamentario. Pueblo ta eligi su representantenan, e miembronan di Parlamento, cu mester vocifera su opinion. Parlamento ta consisti di 21 miembro, kendenan ta keda elegi pa medio di eleccion liber y secreto. Pa medio di e miembronan di Parlamento, pueblo por eherce influencia ariba e maneho di Gobierno. Pa un persona por bira miembro di Parlamento, e mester ta un habitante di Aruba, e mester tin nacionalidad Hulandes, e mester a alcansa e edad di bintiun aña y e no ta exclui di derecho di vota.
Despues cu Conseho Supremo Electoral fiha e resultado di eleccion, tur candidato pa miembro di Parlamento ta entrega su credencialnan na Parlamento. E credencialnan, bon mira ta dos documento, esta e notificacion di e Conseho Supremo Electoral cu e candidato a keda elegi y e prueba cu Presidente di Conseho Supremo Electoral a ricibi for di e candidato pa miembro di Parlamento, cu e ta acepta su eleccion.

E investigacion di credencialnan ta encera principalmente, controla si e candidato pa bira miembro di Parlamento, no ta eherce un funcion cu ta imcompatibel cu e funcion di miembro di Parlamento. E funcionnan aki ta e.o. miembro di Conseho Consultativo of di Contolaria General (Rekenkamer), Gobernador interino,  Ministro, Hues of empleado publico den servicio activo. Mescos cu Ministronan, pa miembro di Parlamento tambe ta conta cu no tin mag di existi lasonan familiar te den di dos grado entre miembronan di Parlamento. Despues di a aproba e credencialnan, e candidato pa bira miembro di Parlamento ta huramenta dilanti di Gobernador y e por cuminsa eherce su funcion oficialmente. 

Actualmente Parlamento ta consisti di e siguiente miembronan: 

Nomber Funcion specifico Partido politico
Sr. Miguel J. Mansur Miembro di Parlamento  Accion21
Sra. Marisol Juliette Lopez geb. Tromp MAS
Sra. Aquannette AmarianeGunn  MAS
Sra. Evelyna C.Wever geb. Croes MEP
Sra. Xiomara J. Maduro MEP
Sr. Danguillaume P. Oduber MEP
Sr. Glenbert F. Croes MEP
Sr. Rocco Gian-Carlo Tjon  MEP
Sr. Arthur Vallejo MEP
Sr. Hendrik Tevreden MEP
Sr. Endy Jan Hendrik Croes  MEP
Sr. Edgar D.H. Vrolijk MEP
Sr. Michiel Godfried Eman AVP
Sr. Mike Eric de Meza AVP
Sr. Arthur Lawrence Dowers AVP
Sra. Gerlien Luzdiane Croes AVP
Sr. Oslin Benito Sevinger  AVP
Sr. Ryçond Raylond Santos do Nascimento AVP
Sra. Mervin Glorinda Wyatt, geb. Ras AVP
Sr. Ursell M. Arends RAIZ
Sr.Geoffrey B. Wever RAIZ
Sr. mr. drs. H. Ch. J. Hek Griffier

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki