Zwemles na scolnan basico ta cuminsa bek entrante 14 di october 2021

ORANJESTAD - Minister di Enseñansa y Deporte Endy Croes a anuncia cu entrante 14 di october, 2021, les di landamento por start bek na scolnan basico.

Esaki ta posibel awor cu a soluciona e reto cu contract di instructornan di landamento y tambe door cu a aloca fondo necesario pa paga pa e transporte pa e muchanan cu ta haya e les.

Tabata siman pasa cu Minister Croes a informa cu a yega na un solucion pa e problema di pago pa ‘zweminstructeurs’. A base di conseho cu a pidi y ricibi di Departamento di Recurso Humano (DRH) a tuma e decision cu lo aloca e instructornan bek bou di Dienst Publieke Scholen (DPS), bou di e contract cu nan tabatin anteriormente y cu nan a traha cu ne pa 28 aña.

Banda di esaki, Minister Croes a duna di conoce cu a percura pa aloca e fondo necesario pa esaki esta 300 mil florin for di su propio presupuesto.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options