Aedes Aegypti, e sangura pata blanco por transmiti diferente malesa, por ehempel e malesa Dengue cual por ocasiona sintoma Na momento cu awa di yobida of cualkier awa keda para e ta bira un luga unda sangura por pone webo y broei. Mas awa para nan hopi fuerte di keintura, dolor di cabes, curpa y weso y por te hasta conduci na morto.
Mas awa tin rond di un cas, mas molester di sangura e habitantenan di e cas mes lo tin y tambe esnan cu ta biba den cercania. Mas cas cu criadero di sangura tin den un area, mas grandi e problematica di sangura lo ta den un bario hisando asina tambe e posibilidad di transmision di Dengue, Zika of Chikungunya.
Personal di seccion di Gele Koorts en Muskieten Bestrijding (GKMB) di Departamento di Salud Publico (DVG) ta canando tur dia di cas pa cas den diferente districto treciendo informacion na comunidad y tambe ta yuda educa habitantenan pa reconoce e potencial criaderonan rond di nan cas.
Di e forma aki cada ciudadano por sigui nan mes yuda mantene e cantidad di sanguranan rond di su cas y den su bisindario abou. Tambe GKMB ta cumpliendo cu su tarea di bishita e areanan y terenonan publico pa sanea of deshaci di awanan para cu ta potencial criaderonan di sangura.
E origen di e problematica di sangura ta e criadero di sangura. Mas criadero tin, mas sangura lo tin.
P’esey cada ciudadano den comunidad tin e responsabilidad di activamente yuda den e proceso pa deshaci di criaderonan di sangura, cuminsando den nan mes un cas y cura.
GKMB lo spuit solamente den caso si tin un outbreak di Dengue. mirando cu na momento di spuit unicamente e sangura cu ta bulando lo muri.
Si comunidad no deshaci di e criaderonan rond di cas, e larva den e awanan para lo sigui nan ciclo di bida y den menos cu 1 dia lo tin e mesun problematica atrobe.
Share this page