Xander Bogaerts nombra como embahador di bon boluntad

Gobierno di Aruba a honra e famoso pelotero  Arubano Xander Bogaerts como embahador di bon boluntad.

Durante e celebracion, pueblo a demostra nos orguyo nacional e admiracion y gradicimento pa loke el a haci pa nos isla internacionalmente. Xander Bogaerts cu su esfuersonan y e amor cu e tin pa su isla, a pone nomber di Aruba un biaha mas briya mundialmente cu su logro cu su di 2 titulo di Campion Mundial cu Boston Red Sox. Mandatarionan a hiba palabranan di elogio na nos gran orguyo nacional gradiciendo e den nomber di nos pueblo.

Diferente grupo di baseball a bin uniforma pa saluda Xander kende tambe a tuma su tempo pa saluda nan. Hopi mucha tambe a yega pa saluda nan heroe di baseball. Un demostracion di humildad cu e hoben beisbolista tin kende tambe como mucha, manera tur e muchanan cu a bin salude, tawata tin e soño di yega asina leu den e deporte.