Workshop Marine Spatial Planning ta cuminsa e combersacion encuanto planificacion di nos recurso marino

ORANJESTAD - Riba 15 di november a tuma luga un workshop di Marine Spatial Planning, organisa door di Ministerio di Naturalesa.

E workshop su meta ta pa subraya e importancia di un planificacion sostenibel pa nos recurso natural, esta e lama cu ta rondona nos isla. Durante e workshop Minister- y Parlamentarionan a haya e oportunidad di bini hunto y habri dialogo pa un futuro maneho nacional pa Aruba.  

E workshop di Marine Spatial Planning a wordo diseña door di un experto di Ministerio di Infrastructura di Hulanda den colaboracion cu UNESCO. E persona aki a bin Aruba sin pago y a provee tur material sin costo adicional pa duna guia na esnan encarga pa traha maneho.

Marine Spatial Planning WorkshopMarine Spatial Planning WorkshopDurante e workshop, participantenan a haya un miho comprension di e importancia di Marine Spatial Planning. A toca tema di economia maritimo, transicion energetico y efecto di cambio di clima.

E workshop ta un continuacion di esfuerso di Ministerio di Naturalesa pa reorganisa e planificacion maritimo. Un prome paso tabata pa institui inventarisacion di watersports. Ademas ta trahando pa introduci un maneho sostenibel pa pesca, creando e comienso di un plataforma nacional di piscado y ahustando entre otro leynan cu ta encera spearfishing.

Pa medio di e workshop di Marine Spatial Planning por enfatisa e necesidad pa mas cambio den direccion di planificacion responsabel.

Diaranson 16 di november lo tin un workshop mas amplio cu varios stakeholders local riba e tereno di maneho maritimo por ehempel Santa Rosa, ATA, Parke Nacional Aruba y DNM.

Minister di Naturalesa Ursell Arends ta manda palabra di gradicimento na tur participante y e experto di Hulanda cu a bin pa asisti na un maneho maritimo mas sostenibel pa Aruba.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options