Workshop Idea “Time for Taxes” tabata bon atendi

ORANJESTAD - Departamento di Asuntonan Economico, Comercio y Industria (DEZHI) mediante su unidad di Iniciativa pa Desaroyo pa Empresa Arubano (IDEA) y cu colaboracion di Departamento di Impuesto (DIMP) kier a gradici tur persona cu a atende e workshop di ‘Time for Taxes’ riba, 15 november ultimo.

A ripiti e workshop aki pa di 2 biaha e aña aki, door di demanda grandi ricibi di su clientenan y comerciantenan.

Logo IdeaE oradonan di Departamento di Impuesto (DIMP) tabata sra. Johrainne Giron y Julio Quijada cu a presenta e siguiente topiconan: 

  • Inkomstenbelasting / Winstbelasting;
  • BBO/BAVP/BAZV;
  • Loonbelasting y primanan social;
  • Verzamelloonstaat y Verzamelstaat opgaaf derden;
  • KOR;
  • A duna splicacion tocante e website di DIMP, ‘Bo Impuesto’;
  • Y na final a contesta tur pregunta.

Time for Taxes workshop.Un total di alrededor di 45 persona a atende e workshop aki. IDEA ta sumamente contento cu e acogida di e workshop y e bon comentarionan ricibi di su participantenan.

Tur IDEA su workshopnan ta gratis y ta dedica na SMEs (Small & Medium Enterprises) y na tur cu kier cuminsa un negoshi y cu kier educa nan mes riba diferente topico comercial. 

Un danki na tur e participantenan y un danki special na sra. Luenne Pieters (directora di DIMP), cu a brinda nos e oportunidad pa e workshop aki.

Ademas un danki na sra. Johrainne Giron y sr. Julio Quijada kendenan tabata sa con pa comparti nan experticio cu tur presente.

IDEA ta gradici tur e coleganan di DEZHI cu a yuda na un of otro manera. 

Keda pendiente pa nos workshops y corda sigui nos riba Facebook page @Idea-Aruba

Time for Taxes workshop.  Time for Taxes workshop.  Time for Taxes workshop.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options