Workshop Business License organisa door di DAECI y IDEA tabata hopi informativo y interesante

ORANJESTAD - Departamento di Asuntonan Economico, Comercio y Industria mediante su unit di Iniciativa pa Desaroyo pa Empresa Arubano (IDEA) y cu colaboracion di su unit Establecimento di Negoshi a organisa un workshop: “Business License” riba 18 november 2022.

E oradora, sra. Mary Baarh, hefe di e unit di Establecimento di Negoshi (Vestigings van Bedrijven) na Departamento di Asuntonan Economico, a presenta lo siguiente:

  • Definicion di negoshi;
  • Den ki forma legal por opera un negoshi;
  • Kico tur ta prohibi bou di Articulo 2 di e Ley di Establecimento di Negoshi si no tin e permiso necesario;
  • Ken tur mester di un permiso pa negoshi;
  • Pa cua compania y institucion e ley aki no ta aplicabel;
  • Banda di e ley, kico e Guia di Maneho nobo ta encera;
  • Tres categoria cu ta cai bou persona natural;
  • Ken tur por cay bou di persona categoria LOCAL;
  • Ki ora un permiso por wordo nenga;
  • Gastonan di un permiso pa negoshi;
  • Ki tur mester wordo considera ora di scoge un nomber commercial;
  • E servicio cu seccion di Establecimento di Negoshi ta ofrece;
  • Demostracion di nos website www.deaci.aw pa hasi peticion pa permiso den forma digital;
  • Con pa monetaria e proceso di bo peticion online via Join Information Portal;
  • Ki tur mester tene na cuenta cune prome cu cuminsa un negoshi.

Workshop Business License (Permiso pa haci negoshi)Durante y despues di e presentacion e oradora a contesta tur e preguntanan cu bin di parti di e participantenan. E contestanan ricibi tabata satisfactorio y comprendibel.

E workshop aki a tuma luga na Departamento di Asuntonan Economico y a haya un participacion di en total 38 persona. IDEA ta sumamente contento cu e contenido di e workshop y tambe di e bon comentarionan ricibi di su participantenan na final di e workshop. E contenido tawata sigur hopi informativo y interesante.

IDEA su eventonan sa ta gratis y ta dedica na SMEs (Small & Medium Enterprises) y tur cu ta desea di cuminsa un negoshi y cu kier educa nan mes riba diferente topiconan comercial. 

Un danki na tur e participantenan y un danki special na e presentadora di Departamento di Asuntonan Economico cu a comparti su experticio cu tur esnan cu a tawata presente durante e workshop aki.

Mirando e interes grandi den e topico aki, lo ripiti e workshop aki un biaha mas den comienso di aña 2023.

Sigui nos riba Facebook page @Idea-Aruba pa haya mas infomacion tocanto nos workshopnan y otro actividadnan venidero.

Workshop Business License (Permiso pa haci negoshi)     Workshop Business License (Permiso pa haci negoshi)     Workshop Business License (Permiso pa haci negoshi)

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options