Wit Gele Kruis ta bay cuminsa cu vacunacion di babynan

Dit item is gearchiveerd op 05-06-2020.

ORANJESTAD - Entrante dialuna 4 di Mei Wit Gele Kruis a cuminsa duna vacuna na babynan entre 0-3 luna. Esaki ta e promer fase pa alcansa e retraso cu tin actualmente.

E proceso di duna vacuna ta tuma luga den un sistema ahusta. Lo cuminsa pone vacuna so, segun e schema di vacunacion. Lo yama cada mayor via telefon pa nan cita.

Vacunacion babyTene cuenta cu e siguiente reglanan, nos NO por haci excepcion riba e reglanan stipula:

  1. Bin na e orario stipula.
  2. Un mayor/ voogd so mag trece e baby. Laga nos evita aglomeracion.
  3. Si tin hende malo na cas, NO bin cu e baby.
  4. Bin cu e baby den su “romper”/ “body-shirt” bisti.
  5. Tene cuenta cu e entrada nobo. Acudi unda e tent ta situa.
  6. Wit Gele Kruis lo ta estricto tocante e reglanan di higiena y distancia social manera stipula door di Departamento di Salud Publico (DVG).
  7. Nos ta pidi mayornan di babynan di 4 luna of mas pa por favor warda te ora bo wordu yama pa vacunacion otro luna.
  8. Pregunta tocante bo baby lo contesta telefonicamente, esaki por entre 8-10 am. Dus preferibel NO durante di e vacunacion.

Pa cualkier pregunta por yama of preferibel whatsapp Wit Gele Kruis riba e siguiente numbernan di telefon celular. Manera nos haya e chens nos lo contesta e whatsapp.

WGK St. Cruz y San Nicolas: tel. 5948437
WGK Dakota, Playa y Noord: tel. 5948439

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options