Webinarnan organisa door di IDEA pa e sector primario cu colaboracion di Departamento di Aduana, Departamento di Impuesto y Santa Rosa tawata un exito

ORANJESTAD – Departamento di Asuntonan Economico, Comercio y Industria mediante su unit di Iniciativa pa Desaroyo pa Empresa Arubano (IDEA) a organisa 2 diferente webinar cu su partnernan Departamento di Aduana y Departamento di Impuesto (DIMP).

Webinarnan organisa door di IDEA pa e sector primario cu colaboracion di Departamento di Aduana, Departamento di Impuesto y Santa RosaE prome webinar cu nan a presenta tawata riba e tereno di sector primario den aña 2020, a tuma luga dia 4 mei 2020 cu e topico di “Agriculture”. Den e webinar aki Sr. Ludwig Rasmijn, Spatial Planner y Educator den Horticulture na Santa Rosa, a presenta e siguiente topiconan:

  • Con di hobby pa plantacion, bo por haci’e un negoshi;
  • con bo por cuminsa planta den un hofi chikito na bo cas y por cuminsa cu mata chikito; con pa planta mata di berdura den ‘Raise beds’;
  • splicacion di e sistema di aquaponics;
  • e metodonan pa spaar awa ora di muha mata;
  • loke mester conta cune ora di haya un tereno pa planta;
  • e productonan local mas pidi;
  • e cambionan cu mester haci ora ta desea pa bira agripreneur;
  • consistencia di produccion di e productonan local;
  • e servicio di awa cu Santa Rosa ta ofrece.

Webinarnan organisa door di IDEA pa e sector primario cu colaboracion di Departamento di Aduana, Departamento di Impuesto y Santa RosaE siguiente presentador den e webinar aki, Srta. Marylaine Croes, un ex studiante di ‘Expert Teelt en Groene Technologie’ na Hulanda, a presenta ki tur e estudio aki ta encera pa por motiva nos hobennan pa bay studia agricultura, tambe e parti innovativo cu tin den agricultura, e la splica e diferencia entre aquaponics y hydroponics, cual ta e ‘crops’ nan cu por produci na Aruba, tambe motiva e participantenan cu plantacion den mata di flor y cual ta e flornan cu por planta na Aruba.

Webinarnan organisa door di IDEA pa e sector primario cu colaboracion di Departamento di Aduana, Departamento di Impuesto y Santa RosaDia 8 y 9 juli 2020, IDEA a organisa dos webinar mas. Dia 8 juli, Departamento di Aduana a presenta tocante e Impuesto liber riba importacion di producto y materialnan pa e sector primario cu ta haci actividad comercial riba e tereno aki. Riba e siguiente dia 9 juli, Departamento di Impuesto a presenta e dispensacionnan di impuesto riba Inkomstenbelasting (IK), Winstbelasting (WB) y BBO pa e sector primario cu ta haci actividadnan comercial.

Webinar “Import Duty-Free on Agricultural, Livestock and Fishery Products for Entrepreneurs”

Webinarnan organisa door di IDEA pa e sector primario cu colaboracion di Departamento di Aduana, Departamento di Impuesto y Santa RosaSr. Enrico Soto di Afdeling Techniek na Departamento di Aduana a presenta e webinar aki. Sr. Soto a presenta e.o.:

  • Den cua ley y articulo e dispensacion pa e sector primario ta regla (LV IU&D art. 128 Lid 1 sub 6ª y b) ;
  • e excepcionnan cu e ley aki por duna pa producto y mercancianan importa pa sector primaria;
  • requisitonan pa bin na remarca pa haci un peticion pa impuesto liber cerca Douane;
  • ehempel di materialnan cu no ta cay bou di remarca pa impuesto liber;
  • y controlnan inespera cu por wordo haci door di Douane.

Webinarnan organisa door di IDEA pa e sector primario cu colaboracion di Departamento di Aduana, Departamento di Impuesto y Santa RosaWebinar “Aruba’s Tax Exemption in Agriculture”

Webinarnan organisa door di IDEA pa e sector primario cu colaboracion di Departamento di Aduana, Departamento di Impuesto y Santa RosaE webinar aki su presentador tawata Sra. mr. Angeline T. Geerman-Giel, Specialista den Inkomstenbelasting y Loonbelasting na Departamento di Impuesto (DIMP). Sra. Angeline a presenta e.o. dispensacion riba impuesto di ganashi (WB), entrada (IK), BBO/BAVP/BAZV. Tambe a splica pa cua contribuyente e areglo aki ta vigente, pa cua tipo di producto, tambe e rekisitonan pa aplica pa e dispensacion di impuesto di ganashi y di benta. Despues Sra. Angeline a elabora riba e Landsverordening in-, uit- en doorvoer (LV IU&D) y tambe kico e areglo di negoshi chikito ((Kleine Ondernemingsregeling (KOR, art. 14ª BBO)) ta encera.

E seccion di pregunta y contesta a bay super bon. Tur contesta di e participantenan a haya un  contesta na final di e presentacionnan.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options