Webinarnan organisa door di IDEA cu colaboracion di Fantastic Garden Aruba y ActionCOACH Aruba

ORANJESTAD – Departamento di Asuntonan Economico, Comercio y Industria (DEACI) mediante su unit di Iniciativa pa Desaroyo di Empresa Arubano (IDEA) a organisa dos webinar den luna di april conhuntamente cu Fantastic Garden Aruba y ActionCOACH.

Webinarnan organisa door di IDEA cu colaboracion di Fantastic Garden Aruba y ActionCOACH Aruba Dia 21 april, IDEA a organisa un webinar pa tur esnan cu ta desea un oportunidad den haci negoshi den e ramo di flor, den forma di areglo pa regaldo of den forma di bouquet. Sra. Marylaine Croes, Store Manager di Fantastic Garden Aruba a presenta e webinar aki. Sra. Croes tin un Bachelor’s Degree den Plant Science. Sra. Croes a splika den un manera hopi creativo e diferente tipo di flornan cu por planta na Aruba, tambe cu ta bay bon cu nos clima y cu por uza pa traha bouquet di flor y cu por hasi otro areglo special pa benta pa regaldo, con pa cuida nan y tambe e vitamina nan necesario pa nan crece bunita y colorido.

Webinarnan organisa door di IDEA cu colaboracion di Fantastic Garden Aruba y ActionCOACH Aruba Dia 30 april ultimo, IDEA conhuntamente cu ActionCOACH Aruba, a organisa e segundo webinar di Women Entrepreneurship pa e grupo femenino. E prome webinar a tuma lugar den luna di maart, como cu esaki tawata e luna cu a celebra e Dia Internacional di Hende Muher. E segundo webinar aki a hiba e titulo di “From Entrepreneur to Entrepreneurship”. Den e presentacion aki, sr. Dave Martinus, Certified Business Coach, a elabora primeramente riba e ‘Big Five’ caracteristicanan di un personalidad, tambe e caracteristicanan di un personalidad empresarial y e conocimiento empresarial, caracteristicanan personal pa ta un empresario unico, e proceso empresarial, e diferencia den e definicion di empresarial y di ta un empresario y kico ta e caracteristicanan di un empresario.

Webinarnan organisa door di IDEA cu colaboracion di Fantastic Garden Aruba y ActionCOACH Aruba Webinarnan organisa door di IDEA cu colaboracion di Fantastic Garden Aruba y ActionCOACH Aruba Ambos webinar aki a tuma luga via e plataforma digital di Google Meet y ZOOM y a haya un participacion di en total 21 persona. IDEA ta sumamente contento cu e contenido di e webinarnan y tambe di e bon comentarionan ricibi di su participantenan na final di ambos webinar y via email. Ambos webinar tawata sigur hopi creativo y informativo y cu preguntanan di parti di e participantenan y un tremendo presentacion di parti di sra. Marylaine Croes y sr. Dave Martinus.

Den siguiente lunanan, IDEA lo sigui organisa un serie di webinar pa Women Entrepreneurship (WE). IDEA lo sigui cu su trayecto cu enfoke riba e grupo femenino pero tambe lo sigui organisa webinar den 2021 cu lo dedica na un y tur cu kier cuminsa un negoshi of tin un negoshi existente y kier educa nan mes riba diferente topiconan comercial. Tambe IDEA ta bezig cu e curso di ‘Empresario Prepara I’ y si bo persona ta desea di participa na un di e topiconan di e pakete di curso, por tuma contacto cu IDEA via email L.croes@deaci.aw pa mas informacion tocante participacion y pago.

Un danki na tur e participantenan y un danki special na sra. Croes y sr. Martinus cu a comparti nan experticio cu tur esnan cu a join e webinarnan. Keda pendiente pa mas eventonan den aña 2021 cu lo IDEA lo organisa. Por sigui nos riba Facebook page @Idea-Aruba pa mas webinar y otro actividadnan di IDEA den futuro.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options