Webinar Tax Time For Small Business Owners & Entrepreneurs

ORANJESTAD - Iniciativa pa Desaroyo pa Empresa Arubano (IDEA) kier a invita tur esnan cu tin un negoshi existente of cu ta den proceso pa habri un negoshi pa join e webinar di: “Tax Time, for Small Business Owners & Entrepreneurs”.

E webinar aki lo tuma luga, diaranson, 15 di september 2021, di 10 pa 11:30 am y duna door di  Departamento di Impuesto (DIMP).

Webinar Tax Time For Small Business Owners & Entrepreneurs. Algun di e topiconan cu lo bin dilante durante e workshop aki ta lo siguiente:

  • Kico ta incera e obligacionnan administrativo (administratieplicht);
  • Declaracion obligatorio (Aangifteplicht);
  • Con pa yena e aangifte IB si bo tin un eenmanszaak y cua ta e costonan deducibel;
  • Con pa yena e WB si bo tin un negoshi, NV of VBA y cua ta e costonan deducibel;
  • Con pa yena bo BBO, LB y primanan;
  • Kiko tur mester tene cuenta cu ne y con pa aplica esaki ora bo tin un negoshi;

E webinar aki ta completamente GRATIS.

Pa tur empresario existente of cu ta den proceso pa habri un negoshi y cu kier atende e webinar aki mester registra via e siguiente link:

https://www.eventbrite.com/e/tickets-tax-time-169860075057

Despues di registra via e link menciona aki riba, bo persona lo ricibi un otro link, cual lo ta e invitacion pa join e webinar aki. 

No tarda pa registra pasobra e cupo ta limita, nos ta wardabo!

Abo tin un Idea? Hasi bo Idea realidad. Bishita Idea na Departamento di Asuntonan Economico, Comercio y Industria, na Sun Plaza di dos piso, y nan lo yudabo cu tur  informacion y guia necesario.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options