Veterinaire Dienst ta reanuda su servicio di matansa

ORANJESTAD - Pa cumpli cu peticion di criadornan di bestia, servicio Veterinario di Departamento di Salud Publico ta informa cu abattoir lo continua cu su servicio di matansa entrante diahuebs 8 di April 2021 y despues lo ta habri manera normal riba diamars y diahuebs.

Pa un cita riba un di e dianan aki mester yama prome na 5224310. 

AbattoirServicio lo wordo duna bou di condicionnan estricto di e.o distancia fisico y prohibicion di aglomeracion, pa asina evita un cantidad grandi di hende riba tereno di abattoir na mes momento.

AbattoirVeterinaire Dienst ta haci un suplica na esnan cu ta bin busca servicio cerca nan pa cumpli cu tur condicion stipula. Es cu no kier cumpli cu e condicionnan di proteccion lo wordo pidi pa bandona e localidad.

Veterinaire Dienst lo bay ta trahando abase di e siguiente condicionnan:

  • Criadornan di bestia mester traha un cita adelanta cerca nos administracion na telefon : 5224310 y informa cu cuanto bestia lo e bin. Sin cita lo no duna servicio;
  • Riba e dia y orario stipula e criador di bestia mester raporta su mes na e gate. Si e persona ta laat of e no presenta lo no honra e peticion riba e mesun dia ey mas y mester traha un cita nobo;
  • Ta controla na gate si e criador di bestia tin cita. Si e tin cita e lo haya instruccion pa pone su bestianan den e hokinan asigna y despues e mester bandona tereno di Veterinaire Dienst;
  • Despues conforme nos reglanan ta gekeur y mata.e bestianan.

AbattoirOra cu Veterinaire Dienst caba cu e matansa, ta yama e doño e mes un dia pa presenta na gate y busca su bestianan despues cu a paga pa e servicio. E pago di servicio mester ta cu ATM of placa cash exacto hinca den un envelop.

Servicio Veterinario ta informa cu e medidanan aki ta necesario debi na e crisis di Coronavirus y ta necesario pa cuida salud di nos personal pero tambe di nos clientenan. Si riba dia di bo cita bo tin sintoma di tosamento, keintura, dolor di garganta nos ta suplica bo pa no bin na nos servicio pero pidi pa haci cambio di cita.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options