Veterinaire Dienst ta habri abattoir pa publico

Dit item is gearchiveerd op 13-06-2020.

ORANJESTAD - Pa cumpli cu peticion di criadornan di bestia, servicio Veterinario di Departamento di Salud Publico ta informa cu dentro di poco nan lo habri abattoir pa duna servicio di matanza di bestia chikito.

Lo duna servicio bou di condicion estricto di e.o distancia fisico y prohibicion di aglomeracion, pa asina evita un cantidad grandi di hende riba tereno di abattoir na mes un momento.

AbattoirVeterinaire Dienst ta haci un suplica na esnan cu ta bin busca servicio cerca nan pa cumpli cu tur condicion stipula. Lo pidi esnan cu no kier cumpli cu e condicionnan di proteccion pa bandona e localidad.

Abattoir lo cuminsa duna servicio riba e siguiente tres dianan cu ta: 26, 27 en 28 mei 2020. Cuminsando luna di juni abattoir lo ta habri manera normal riba diamars y diahuebs. Pa un cita riba un di e dianan aki mester yama prome na 5224310.

Veterinaire Dienst lo traha a base di e siguiente condicionnan:

  1. Criadonan di bestia mester traha un cita adelanta cerca nos administracion via telefon : 5224310 y informa cu cuanto bestia e lo trece. Sin cita lo no duna servicio.
  2. Riba e dia y orario stipula e criador di bestia mester raporta su mes na e gate. Si e persona ta laat of e no presenta, lo no honra e peticion despues mas y mester traha un cita nobo.
  3. Ta controla e criador di bestia na gate si e tin cita. Si e tin cita elo haya instruccion pa pone su bestianan den e hokinan asigna y despues e mester bandona tereno di Veterinaire dienst.
  4. Despues segun nos reglanan lo keur y mata e bestianan.
  5. Ora cu Veterinaire Dienst caba cu e matansa, ta yama e doño e mes un dia pa presenta na gate y busca su bestianan despues cu a paga pa e servicio. E pago di servicio mester ta cu ATM of placa cash pero net y den un envelop.

Servicio Veterinario ta informa cu e medidanan aki ta necesario debi na e crisis di Coronavirus y ta necesario pa cuida salud di nos personal y di nos clientenan. Si riba dia di bo cita bo tin sintoma di tosamento, keintura, dolor di garganta nos ta suplica bo pa no bin na nos servicio, pero pa haci cambio di cita.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options