Vacunathon edicion hubenil riba 10 juli 2021

ORANJESTAD - Departamento di Salud Publico Aruba y Ministerio di Salud ta organisa  Vacunathon, youth edition.

Diasabra awo, 10 di juli, tur mucha cuminsando di 12 aña por acudi na Centro Libertador Betico Croes na Santa Cruz pa registra y haya nan vacuna.

Vacunathon edicion hubenil riba 10 juli 2021Pa facilita e trabounan administrativo, na e Vacunathon, mayor/voogd di un menor por cuminsa registra y aplica pa e vacuna siguiendo e instruccionnan di e Aruba Health App trahando un profile nobo pa cada mucha.

Si mayor/voogd di e mucha no tin acceso na internet of na sistema digital, esaki no ta problema; por registra e mucha tambe pa medio di un di e opcionnan aki:

  • Yama 280-0101
  • Pasa personalmente na Centro Libertador Betico Croes di dialuna pa diabierna entre 8:30am cu 11:30am
  • Pasa na DVG su oficina na Caya Ing. Roland Lacle #4 y registra durante oranan di oficina.

Pa esnan cu no logra registra prome cu dia di e VacunaTHON, Youth Edition (10 di Juli), tambe ta posibel pa haci e registracion e dia ey mes na Centro Libertador Betico Croes.

Ariba e dia aki di VacunaTHON, Youth Edition; un di e mayornan mester presenta cu e yiu menor di edad pa vacuna. Mayor cu ainda no a vacuna, por vacuna hunto cu su yiu tambe.

E vacuna tambe ta disponibel pa muchanan indocumenta cu lo mester registra personalmente na DVG of Centro Libertador Betico Croes na Santa Cruz. Si no ta logra haci esaki por registra ariba e diasabra di e VacunaTHON mes presentando cu un di su mayornan y su paspoort pa asina wordo vacuna.

Pa cualkier informacion, subi nos website www.dvg.aw of nos Facebook page of por yama na 522-4200 of 280-0101.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options