ATENCION; Na es cu ta biba cu un caso positivo, es cu ta den cuarentena of isolacion, es cu tin sintoma di COVID of es cu a test y ta wardando resultado. Ta pidi Bo persona pa NO bin vacuna tanten cu bo resultado di test ta conoci of tanten cu bo ta den cuarentena of isolacion.
- Prome dosis; Pa ricibi prome dosis mester tin minimo 12 aña y mester presenta cu AZV. Muchanan menor di edad mester bin acompaña pa un mayor. E persona cu no tin AZV pero ta biba na Aruba, e persona mester prueba cu eta biba na Aruba pa un periodo caba. Es cu tin paspoort Hulandes mester prueba cu e ta biba na Aruba pa mas cu 1 luna y es cu no tin paspoort Hulandes mester prueba cu e ta biba na Aruba pa mas cu 2 luna. Studiantenan Arubiano bibando den exterior por vacuna unabes cu nan ta na Aruba si nan por prueba cu nan ta studiando den exterior.
- Di dos dosis; Pa ricibi di dos dosis e persona mester a ricibi su prome dosis mas cu 3 siman atras. E persona mester presenta cu su prueba di vacunacion anterior y su AZV.
- 'Booster shot': Pa ricibi e 'booster shot' e persona mester tin minimo 50 aña. Pa busca e booster shot ta necesario cu e persona a ricibi su di dos dosis di vacuna mas cu 6 luna tras. Es cu despues di a ricibi su di dos vacuna a test positivo pa COVID e personanan aki mester warda 6 luna despues di a test positivo pa busca su 'boostershot'.
Pa locual ta planificacion ta importante pa informa cu lo suministra e prome y di dos vacuna den e Unidad Mobil di Rampen Bureau cu ta un tractor trailer-largo preto cu lo ta staciona parti pafo di Centro Libertador Betico Croes. Lo suministra unicamente e 'boostershot' paden di Centro Libertador.
Pa mas informacion bishita nos Facebook page Directie Volksgezondheid DVG Aruba of yama nos na 5224200 of 2800101.
Share this page