Vacunacion contra Influenza

Dit item is gearchiveerd op 26-11-2020.

ORANJESTAD - Campaña anual di vacunacion contra Influenza organisa pa Departamento di Salud Publico a cuminsa.

¿Dicon e vacuna contra influenza ta bon?
Influenza ta un malesa potencialmente grave cu por hiba un persona na wordo hospitalisa y den ocasionnan severo, por hasta provoca morto. Cada temporada di influenza ta diferente y e infeccion ocasiona pa e virus di influenza por afecta hende di diferente manera.

E vacuna anual contra influenza ta e miho forma pa protehabo mes contra e malesa aki. Ta cientificamente demostra cu e vacuna aki tin hopi beneficio, manera reduccion den e riesgo pa desaroya complicacion pa motibo di influenza, hospitalisacion y dañonan severo na salud.

Actualmente ta administra e vacuna contra influenza di manera gratuito na esnan den e grupo di riesgo cu ta personanan cu:

  • Vacuna Influenza Bronkitis;
  • Pulmonia;
  • Griep constante;
  • 60 aña y mas;
  • Mucha bou di 5 aña;
  • Malesanan cronico of malesa di sistema respiratorio;
  • Obesidad;Ta na estado;
  • Tin un sistema inmunologico abou door di malesanan manera cancer y HIV.

Siguientemente nos schedule di vacunacion contra influenza pa e siman aki:

DVG schedule di vacunacion contra influenza
Fecha Luga  Orario
Diamars 27 di october 2020 Centro di Bario Noord 9am-12pm
Diahuebs 29 di october 2020 Centro Playa Pabou 9am-12pm
Diabierna 30 di october 2020 Centro Curazon Santa Cruz   9am-12pm
Dialuna 2 di november 2020 Centro di Bario Brazil 9am-12pm
Diamars 3 di november 2020 Centro di Bario Noord 9am-12pm
Dialuna 9 di november 2020 Centro di Bario Brazil 9am-12pm

Esnan cu ta cualifica pa ricibi e vacuna gratis mester presenta cu nan recept di Dokter di Cas y nan Zorgpas di AZV na un di e localidadnan riba orario di nan cita. Adultonan mayor di 60 aña mester presenta solamente cu nan Zorgpas di AZV valido. Pa por yega na un di e localidadnan ta nesesario traha un cita atravez di www.dvg.aw of por yama 5224239 of 5224241.

Tur otro persona cu ta interesa pa wordo vacuna, pero no ta cay den e grupo di riesgo, por cumpra e vacuna cu ta solamente disponibel na seccion di Malesanan Infeccioso. Pa cumpra e vacuna mester haci un cita online via www.dvg.aw. Ariba e website lo encontra un link pa por traha un cita pa campaña di vacunacion contra influenza. E vacuna no lo ta disponibel pa cumpra na niun otro luga.

Pa esnan cu no tin acceso na internet, por haci un cita pa cumpra e vacuna telefonicamente yamando na 5224239 of 5224241. Nos ta prefera pa e proceso bay via un cita online, ya cu nos telefonnan ta constantemente ocupa relaciona cu e maneho di e crisis di Covid-19; si toch ta dicidi di yama, por fabor, tene pasenshi.

E vacuna tin un costo di fl 20,- cu por wordo paga unicamente cu bo carchi di banco (swipe), no ta permiti pa paga cu placa cash.

Departamento di Salud Publico tey pa bo, nos kier bo bon!

#VacunaContraInfluenza
#DVG

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options