Despues cu Departamento di Salud Publico a informa riba e regulacion nobo pa turista cu a drenta na vigor dia 1 di maart, Seccion di Malesanan Contagioso a haya un cantidad grandi di persona cu a bin busca esaki. Nan a pensa cu nan lo no por bay di biahe sin tin e vacuna.
Esaki a conduci cu e vacuna contra Keintura Geel (Yellow Fever) a caba prome cu por a premira. Departamento di Salud Publico a purba tur manera pa haya e vacuna bek lo mas pronto posibel. Awe nos ta informa na comunidad cu e vacuna a yega y e ta disponibel bek desde diahuebs dia 22 di maart na Seccion di Malesanan Contagioso situa na Avicenastraat # 2, Oranjestad for di mainta 7:45 pa 11:45 y parti atardi di 1:15 pa 3:30 pa e suma di 31,- florin.
Pa mas informacion por tuma contacto di Seccion di Malesanan Contagioso di Departamento di Salud Publico na 522-4200.
Share this page