Update Censo2020

ORANJESTAD - Oficina Central di Estadistica kier a duna un update tocante Censo2020. Manera ta conoci den e luna di october Censo 2020 por a wordo completa online of via telefon.

Desde 1 di november 2020 a cuminsa cu e parti di bishita di cas pa cas. Den e prome 2 simannan cu a pasa, un total di 21.213 adres a wordo bishita cu un averahe di 250 tellers. Un total di 20.489 hogar y un total di 57.998 persona a wordo conta.

Teniendo na cuenta e parti di nos poblacion cu a  conta den e luna di october y durante e prome 2 simannan di november, a conta un 50% di nos poblacion. Teniendo na cuenta cu falta menos di 2 siman mas falta pa Censo2020 finaliza, CBS a opta pa habri e posibilidad di yena e cuestionario di Censo2020 online bek. Esaki ta posibel bek di 20 pa 30 di november 2020. Pa cu esaki e Help Desk di Censo2020 lo ta activo bek entrante 20 di november di 8 or di mainta te cu 8 or di anochi. E number di e helpdesk a keda: 524-7444.
E parti di bishita di cas pa cas tambe ta sigui te cu 30 di november 2020.

CBS kier a tuma e oportunidad pa pidi e cooperacion di e pueblo di Aruba. Awor mas cu nunca ta di sumo importancia pa e desaroyonan cu a y ta tumando lugar den nos poblacion pa asina nos por planifica abase di datonan real y confiabel y abase di situacion actual cu ta tumando lugar den nos comunidad pa asina nos por planifica un mihor futuro pa nos tur.
PasobraArubaTaContaRibaBO!

Censo 2020 Online 20 - 30 november 2020     Censo 2020     Censo 2020 update

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options