Mirando cu e tema e aña aki ta "con pa empodera hende muhe mas mihor posibel a traves di innovacion" a organisa un dialogo cu diferente studiantenan di comunidad y di universidad riba e tema di e "posicion di hende muhe y digitalisacion"
Manera ta conoci, Universidad di Aruba ya caba tin e facultad di SISSTEM, caminda ta preparando e hobennan riba e trabounan di futuro, den cual digitalisacion tin un rol hopi importante. Asina mes ainda ta keda e pregunta, di kico mas por haci riba e topico aki y riba esaki a dialoga e mainta ki.
Durante e seccion di dialogo a hiba combersacionnan riba aspecto di ley, legislacion, y di maneho, pero tambe di e rol cu mayornan tin ora nan yiunan di chikito caba ta atende cu medionan social. Di e combersacionnan aki a sali varios recomendacionnan na unda gobierno lo mester bay pone atencion den e maneho di innovacion pa futuro.
"Mi ta gradici sra Viola Heutger, rector di UA, Deborah Alexander y Charisse Hoen cu a encarga di coordina e mainta aki, y e team completo di UA cu a organisa un bunita y exitoso evento, na unda mi persona cu ta carga innovacion por tabata tin e oportunidad di comparti mi ideanan y scucha e opinion di studiantenan y docentenan di tur e areanan cu nan ta representa na UA." Prome Minister a expresa.
Share this page