Universidad di Aruba ta publica Relato Anual 2020

ORANJESTAD - Universidad de Aruba tin e placer pa hasi entrega di su Relato Anual 2020 na minister encarga cu Educacion, Dr. Armando Lampe.

E entrega a tuma lugar diahuebs ultimo dia 27 di mei. Presidente di e Hunta di Supervision di e instituto, drs. Herry Koolman a reconoce y gradici personal di Universidad pa nan profesionalismo y dedicacion pa completa e trabaonan relaciona cu e relato anual, incluso control y certificacion di accountant, na forma diligente pa asina e instituto por a haci entrega di esaki manera ley ta prescribi. E relato anual di Universidad di Aruba  ta inclui un descripcion di e desaroyonan general, logro- y eventonan mas importante di e aña cu a transcuri. E relato tambe ta inlcui informacion di e resultado di investigacion, publicacionnan di e instituto, estado financiero y e reporte di un accountant independiente. Aña 2020 tabata un aña mundiamente extraordinario y a presenta desafionan specifico pa Aruba y institutonan di enseñansa. E tabata un aña cu innovacion y digitalisacion acelera.

Universidad ta invita lectornan pa bishita su website pa lesa mas di e desaroyonan aki. Universidad di Aruba ta reconoce y ta duna contenido na e importancia pa publica su relato financiero, pa promove transparencia y alineacion cu e principionan di bon gobernacion na Aruba y pa sigui genera confiansa den nos institutonan publico y semi-publico. E relato anual 2020 ta disponibel riba e website di Universidad di Aruba: http://www.ua.aw/annual-reports.

Presidente di e Hunta di Supervision di Universidad di Aruba,  drs. Herry Koolman  ta haci entrega di nan Relato Annual 2020 na minister encarga cu Educación, Dr. Armando Lampe.    Universidad di Aruba ta publica Relato Annual 2020.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options