UNESCO Schools Aruba Consortium ta ricibi oficialmente nan waste bins

ORANJESTAD - Aruba Airport Authority N.V. (AAA) su Wings of Hope (WoH) ta haci entrega oficial di e proyecto “Waste Sustainably” na UNESCO Schools Aruba Consortium.

Unesco Schools Aruba Consortium ta consisti di Colegio Hilario Angela, EduCampus, International School of Aruba y Prinses Amalia Basisschool como e ganador di e SDG School Champion Challenge 2022.

Aruba Airport Authority N.V. (AAA) su Wings of Hope (WoH) ta haci entrega oficial di e proyecto “Waste Sustainably” na Unesco Schools Aruba Consortium.Como parti di WoH su meta di “Awareness”, UNESCO Schools Aruba Consortium a  anuncia como e ganador absoluto na juni di e SDG School Champion Challenge 2022 y a ricibi AWG 20,000.00 pa ehecuta nan “Waste Sustainably” plan.

Aruba Airport Authority N.V. (AAA) su Wings of Hope (WoH) ta haci entrega oficial di e proyecto “Waste Sustainably” na Unesco Schools Aruba Consortium.E plan ta inclui e instalacion di diferente stacionnan pa recicla na cada un di e 4 scolnan di UNESCO Schools Aruba Consortium pa asina colecta carton, metal, plastic, glas y tambe desperdicio di compost organico. E studiantenan y staf lo participa den un workshop cu informacion con pa uza e stacionnan di recicla mas eficiente y con pa colecta, procesa y separa e desperdicio pa mantene e eficiencia total. Cada scol lo ricibi un raport tambe riba cuanto desperdicio a colecta cu ta duna un indicacion cuanto desperdicio e scolnan a preveni pa bay dump.

Logo  Wings of Hope (WoH)Cada scol lo tin nan mesun “Green Team” di studiante cu lo ta encarga cu e proyecto y lo comunica tur informacion na otro studiantenan. Tur miembro di e “Green Team” lo ricibi training door di Plastic Beach Party y Aruba Compost Club pa asina nan por bira future trainers pa otro miembronan cu lo forma parti di e “Green Team”. Asina ta sigura continuación di  e proyecto door di involuca hobennan. Lo encurasha studiantenan pa aplica e mesun principionan na cas y tambe den comunidad.

Den presencia di AAA Wings of Hope, UNESCO Schools Aruba Consortium, Plastic Beach Party y Aruba Compost Club, a haci entrega oficial di e stacionnan pa recicla. Cu e proyecto “Waste Sustainably”, UNESCO Schools Aruba Consortium conhuntamente cu Plastic Beach Party y Aruba Compost Club lo por colecta, procesa y separa desperdicio y lo ta un ehempel pa otro scolnan, organisacionan y comunidad.

WoH lo sigui inclui studiantenan y e comunidad di Aruba den diferente proyectonan cu tin un impacto sostenibel pa e comunidad, crea concientisacion riba e 17 Metanan di Desaroyo Duradero (Sustainable Development Goals - SDGs) di Nacionnan Uni. Alabes ta encurasha tur persona pa haci cambionan cu ta crea un mihor futuro sostenibel.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options