UNESCO Schools Aruba Consortium ta e ganador di SDG School Champion Challenge 2022

ORANJESTAD - Aruba Airport Authority N.V.’s (AAA) “Wings of Hope” (WoH) ta orguyoso pa anuncia UNESCO Schools Aruba Consortium (UNESCO) como e ganador di WoH su Sustainable Development Goal (SDG) School Champion Challenge 2022.

Grant Thornton Aruba ta entrega e di dos lugar Scol Practico Pa Ofishi St. Cruz (SPO) cu un premio di AWG 1,000.00.Riba diasabra 4 di juni, 2022, WoH a tene e evento final di SDG School Champion Challenge 2022 caminda un total di 12 scol a participa. Como parti di WoH su meta di “SDG Awareness”, scolnan tabata tin e oportunidad pa participa den un competencia escolar unda cada scol mester a entrega nan plan sostenibel cu un of mas di e SDGs como nan meta principal pa nan scol.

Den presencia di AAA su CEO Sr. Joost Meijs y AAA su team di WoH, UNESCO Schools Aruba Consortium (UNESCO) ta ricibi e premio ganador di AWG 20,000.00 for di Wings of HopeA entrega un total di 12 plan sostenibel na e team di WoH di parti di e scolnan incluyendo Colegio Bon Bini, St. Paulus School, Scol Paso Pa Futuro, EPB San Nicolas, Scol Practico Pa Ofishi St. Cruz, Graf von Zinzendorf School, John Wesley College, Nos Fortalesa Montessori School, Colegio Laura Wernet-Paskel, Colegio Pastoor Kranwinkel, Colegio Sagrado Curason y UNESCO (Colegio Hilario Angela, Prinses Amalia School-Basis, Edu Campus, International School of Aruba). un grupo di profesionalnan a revisa e 12 plannan sostenibel pa y na e evento final tur scol mester a duna un presentacion final di 8 minuut pa asina completa nan puntuacion.

ACE Firm Engineering ta entrega e di tres lugar John Wesley College un premio di AWG 500.00.Den presencia di AAA su CEO Sr. Joost Meijs y AAA su team di WoH, UNESCO a ricibi oficialmente e premio ganador di AWG 20,000.00 for di Wings of Hope pa ehecuta nan plan sostenibel exitosamente. Grant Thornton Aruba orguyosamente a presenta e di dos lugar Scol Practico Pa Ofishi St. Cruz (SPO) cu un premio di AWG 1,000.00 y ACE Firm Engineering a entrega e di tres lugar John Wesley College un premio di AWG 500.00.

AAA WoH ta reconoce e importancia di sostenibilidad y nan responsabilidad social pa e comunidad di Aruba y lo sigui inclui studiantenan y e comunidad den proyectonan pa asina crea conocemento riba e importancia di practicanan sostenibel y alabes encurasha tur hende pa crea un futuro mihor y sostenibel.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options