HomeActualidadNoticiaUNESCO Aruba ta participa na e workshop pa specialistanan riba tereno di Patrimonio Cultural Intangibel (PCI)

UNESCO Aruba ta participa na e workshop pa specialistanan riba tereno di Patrimonio Cultural Intangibel (PCI)

ORANJESTAD - For di 13 pa 17 di februari 2023 a tuma luga un workshop di UNESCO pa specialistanan riba tereno di Patrimonio Cultural Intangibel (PCI).

Pa Aruba a participa Sra. Ruby Eckmeyer, specialista pa e programa di cultura pa UNESCO-Aruba, hunto cu Sra. Ray-anne Hernandes, director di UNOCA.

Ray-anne Hernandez, director di UNOCA hunto cu Ruby Eckmeyer, specialista di cultura di UNESCO-Aruba.Representante di UNESCO Aruba, Corsou y Sint Maarten na secretariado di UNESCO Hulanda.Meta di e encuentro aki tabata pa crea un procedura di nominacion den Reino Hulandes y alaves pa duna tur e islanan di Caribe Hulandes e informacionnan necesario pa por ehecuta e convenio pa Salvaguardia Herencia Cultural Intangibel corectamente.

E secretariado di e Comisionnan Nacional di UNESCO tin un rol importante den esaki y e colaboracion entre e islanan ta di suma importancia ya cu nos tin hopi en comun riba tereno di cultura.

Asina cu e raport di e workshop ta cla, lo presenta esaki na e gremio cultural na Aruba pa planea con lo sigui cu e ehecucion di e convenio di PCI di UNESCO.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options