Un teller di Censo2020

ORANJESTAD – Oficina Central di Estadistica (CBS) ta informa comunidad cu un teller di Censo2020 semper mester identifica su mes cu un badge di CBS.

Badge encuestador Censo2020 Den e parti dilanti di e badge tin e logo di Censo2020 y un potret di e encuestador. E parti patras tin e logo di CBS cu e firma di e director interino. Tambe un encuestador a haya un t-shirt oranje for di CBS. E por pasa cu tellers no tin e t-shirt tur ora bisti, pero semper nan mester identifica nan mes cu nan badge.

Muestra carchi (visitekaartje) encuestador Censo2020 E tellers tambe a haya visite kaartjes (tarheta) cu nan por laga atras na un hogar cu nan a bishita, pero no por a haya ningun hende presente. Den e potret por wak e visite kaartjes. Tellers por skirbi nan nomber y celular na e parti dilanti. Na e parti patras di e kaartjes tin e number di contacto di CBS. Si un hogar tin cualkier pregunta y of si e ta desea di haci un afspraak cu e encuestador, por tuma contacto cu CBS. Tambe por haci un afspraak si ta prefera di completa e cuestionario via telefon.

Si tin cualkier duda of pregunta, semper por tuma contacto cu Oficina Central di Estadistica na e helpdesk di Censo2020 na 524-7444 durante oranan di oficina.

  

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options