Un siman di celebracion di buki pa mucha

ORANJESTAD – Biblioteca Nacional ta recorda cu e Festival di Buki pa Mucha ta tuma lugar di dia 2 pa dia 6 di november y ta ofrece contenido digital.

Logo Festival di buki di mucha – Tempo di mi tempoTanto via e website di biblioteca, FB, YouTube  y tambe pa medio di e proyecto di Digiboards den klas. E storianan di e buki pa mucha Ora Ubao)/ Schelpeneiland den 2 idioma por wordo presenta y trata via Digiboards. Tambe e informacion tocante e autornan cu a skirbi storia pa e buki aki. Ademas tin extra informacion y fuente pa busca mas informacion.
E exposicion pa Festival di Buki pa Mucha ta habri. Esaki ta na biblioteca Oranjestad y ta keda habri un par di siman pa tur mucha por bishita esaki. Biblioteca ta presenta tur imahen di e buki ‘Ora Ubao’ (Schelpeneiland) pa medio di su exposicion.
Mercado di Buki Segunda mano. Pa e amantenan di buki biblioteca ta organisa su Mercado di Buki segunda mano e siman aki. Esaki ta pa 1 siman largo como parti di Festival di Buki pa Mucha 2020. Di dialuna dia 2 di november pa dia 6 di november di 8or y mey di mainta pa 5or di atardi. Diaranson e mercado ta habri te 7or di anochi.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options