Un bunita acto protocolar na honor di Su Mahestad Rey Willem Alexander su 55 cumpleaños

ORANJESTAD – Riba 27 di april 2022, a celebra Dia di Rey na ocasion di cumpleaños di Su Mahestad Rey Willem Alexander. Comision Celebracion Dianan Nacional a prepara un bunita programa.

Acto protocolar na honor di Su Mahestad Rey Willem Alexander su 55 cumpleaños (Dia di Rey). Acto protocolar na honor di Su Mahestad Rey Willem Alexander su 55 cumpleaños (Dia di Rey). E comision di recepcion forma pa Minister di Finansa y Cultura Sra. mr. Xiomara Maduro, Vice Presidente di Comision Celebracion Dianan Nacional Sr. Junior Arends, Comandante Mariniers Kazerne, Hoofd Commandant, Sr. Bart van Beekhuizen y Alto Comisario di Polis, Sra. Irma Gordon a ricibi Gobernador Sr. Juan Alfonso Boekhoudt na su yegada na Parke Wilhelmina.

Despues cu a inspecciona e Cuerpo di Marina Real y saluda e guardia di honor di gruponan hubenil uniforma, Gobernador a duna permiso pa inicia e ceremonia di acto protocolar cu presentacion di Himno di Hulanda, sigui pa Himno di Aruba, acompaña musicalmente pa Cuerpo di Marina Real. A conta cu presencia tambe di demas mandatarionan, parlamentarionan, Comision Copa Hubenil Felipe B. Tromp, Oranjevereniging, Cuerpo Consular y demas invitadonan. Presidente di Parlamento mr. Edgard Vrolijk a hiba palabra y a felicita Su Mahestad den nomber di comunidad Arubano. A sigui cu e discurso di Su Excelencia Gobernador di Aruba Sr. Juan Alfonso Boekhoudt.

Grupo Pierewietje bou direccion di sra. Martha Figueroa a duna presentacion di baile y e cancionnan “Fiesta di color”, “Op een onbewoond eiland” y “Fit top Tien”.

Acto protocolar na honor di Su Mahestad Rey Willem Alexander su 55 cumpleaños (Dia di Rey). Acto protocolar na honor di Su Mahestad Rey Willem Alexander su 55 cumpleaños (Dia di Rey). E aña aki e premio Copa Hubenil Gobernador Felipe B. Tromp a bay pa e seleccion di damas U14 di futbol kendenan a ricibi e copa for di Gobernador.

E hobennan aki na augustus 2021 participa na e Caribbean Football Union Under 14 Challenges Series na Republica Dominicana y a logra gana e copa despues di a gana tur cuatro partido.

E hoben Aaron Arenas a ricibi e premio di estimulo for Gobernador di Aruba. Aaron Arenas ta un hoben studiante na EPI. Desde chikito e ta miembro di scouting y ta hopi activo y sobresaliente riba tereno cultural y social.

Acto protocolar na honor di Su Mahestad Rey Willem Alexander su 55 cumpleaños (Dia di Rey). Acto protocolar na honor di Su Mahestad Rey Willem Alexander su 55 cumpleaños (Dia di Rey). Na final di e ceremonia oficial a sigui cu e desfile riba e caminda dilanti Parke Wilhelmina di gruponan scout di Aruba cu mas di 700 participante.

Minister Xiomara Maduro ta felicitata Rey Willem Alexander cu su 55 cumpleaños y comunidad cu celebracion Dia di Rey 2022. Tambe ta gradici Comision Celebracion Dianan Nacional y tambe na Renaissance Windcreek Aruba Resort pa nan excelente cooperacion.Palabra di reconocimento y pabien na nos talentonan hubenil pa nan bunita presentacion.Tambe ta felicita e seleccion di damas U14 di futbol cu e premio Copa Hubenil Gobernador Felipe B. Tromp y e hoben Aaron Arenas pa e premio di estimulo.

 Acto protocolar na honor di Su Mahestad Rey Willem Alexander su 55 cumpleaños (Dia di Rey).   Acto protocolar na honor di Su Mahestad Rey Willem Alexander su 55 cumpleaños (Dia di Rey).   Acto protocolar na honor di Su Mahestad Rey Willem Alexander su 55 cumpleaños (Dia di Rey).      

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options