Ultimo simannan pa entrega AMR 2022 sin cu mester haci un cita

Mirando cu nos ta yegando na e fecha final di AMR pa aña 2022, entrante diahuebs, dia 1 di september 2022 te cu diaranson, dia 30 di september 2022 tur compania cu ainda NO a entrega nan formulario di AMR 2022 por haci esaki ainda sin tin mester di haci un cita. Orario pa entrega e AMR 2022 lo ta solamente parti mainta di 8:00 am te cu 11:00 am.

Fechanan cu lo por entrega sin cita ta: 01-09-2022 te cu 30-09-2022. Orario: 08:00 AM te cu 11:00 AM.

Departamento di Arbeidsmarktregistratie ta pidi encarecidamente pa tene e siguiente puntonan aki na consideracion pa asina nos por garantisa un servicio optimal y efectivo:

1. Mester yena e formularionan di AMR 2022 den forma digital, tene na cuenta cu si nan  no ta getypt, no ta acepta nan;
2. percura pa ta firma tur e documentonan (file completo) (no paraaf) cu pen blauw;
3. entrega di e AMR 2022 lo ta solamente parti mainta y personal na Departamento di DPL- O’stad situa na Engelandstraat # 33;
4. corda trece un copia di e pagina mas dilanti di e AMR 2022 (Checklist), asina lo por haya un stempel cu nan a ricibi’e. (tene na cuenta cu no ta haci copia);
5. lo ta bon pa saca un copia di e file completo pa mesun administracion;
6. ta importante pa e persona autorisa cu ta bin entrega e AMR 2022, presenta cu un ID pa e por registra na balie.

Pa mas informacion of pa cualkier pregunta por yama nos libremente na 521-5555 of por manda nos un e-mail na: dpl.arbeidsmarktregistratie@aruba.gov.aw.