Ultimo dia di inscripcion pa Landsexamen mavo/havo/vwo 2022

ORANJESTAD - Departamento di Enseñansa Aruba (DEA) ta recorda un y tur cu ultimo dia pa inscribi pa Landsexamen MAVO, HAVO, VWO 2022 ta diahuebs dia 30 di september 2021.

Inscripcion online pa Landsexamen 2022 mavo/havo/vwo.Inscripcion pa landsexamen 2022 mavo/havo/vwo ta tuma lugar den e periodo di 1 di september pa 30 di september 2021.

Den cuadro di mehoracion di servicio, a digitalisa henter e proceso di inscripcion: Entrante 1 di september 2021 inscripcion pa Landsexamen ta bay online, a traves di un formulario digital.

Tur persona cu kier participa na Landsexamen mester yena e formulario di inscripcion digital y upload tur e documentonan rekeri, manera p.e. certificado, diploma, listanan di cifra obteni cu firma oficial y copia di un extracto di registro di Censo di Aruba.

Ta urgi un y tur pa por fabor lesa tur informacion, incluso e “Informatiebrochure Landsexamen” prome cu yena e formulario di inscripcion online.

Ta notifica e candidatonan cu ta cumpli cu tur regla di inscripcion y a pasa e “screening” pa manda online un copia di e recibo di pago of pagonan si ta paga den parti. Pone riba bo recibo (nan) bo nomber y e vak cu bo a paga pe.

Si no entrega tur documento necesario of si e inscripcion drenta despues di dia 30 di september2021, ya no por procesa e inscripcion. E periodo menciona den ley ta di 1 di september te cu 30 di september.

Inscripcion online pa Landsexamen 2022 mavo/havo/vwo.     Inscripcion online pa Landsexamen 2022 mavo/havo/vwo.   

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options