Turismo crusero ta sigui crece gradualmento den luna di october

ORANJESTAD - E cantidad di barconan crucero ta aumenta gradualmente.

Den luna di october 2021 Aruba lo ricibi 9 calls cu ta un aumento compara cu luna di september cu tabata tin solamente 6 calls.

Minister di Turismo y Salud Publico, Dangui OduberBarco crucero Carnival HorizonNa juni 2021 Aruba a ricibi su promer linea crucero desde maart 2020. Pa mas cu 1 aña y 3 luna Aruba no a ricibi ningun barco crucero. Gobierno ta haci hopi esfuerso pa cruceronan por ta bek na Aruba. Den october lo ta yegando barconan crusero for di Celebrity Cruises, Royal Caribbean Cruise lines y Carnival Cruise Lines. Pa e aña aki ainda falta 18 calls.

Schedule di barco crucero den luna di october 2021 a conoce un aumenta di 3 calls. Ministerio di Turismo, APA y ATA ta keda traha na un manera pro-activo pa sigui acerca mas linea crucero pa bin Aruba, tambe pa splicanan kico e situacion ta na Aruba. Na mes momento lo comparti tambe e protocolnan cu lineanan crucero lo mester sigui.

Barco crucero Odyssey of the SeaBarco crucero Carnival EquinoxAruba tawata e prome destinacion pa e cruceronan. Cu esaki Aruba ta continua su recuperacion di nos turismo crucero. Sigur esaki ta crea oportunidadnan pa nos economia, pa e cuponan di trabou, pa tour operators, pa taxistnan, pa restaurantnan y tiendanan.

Mescos cu tawata e caso cu e bishitantenan stayovers, turismo crucero lo mira un crecemento gradualmente segun proyeccion di APA.

          Schedule di barco crucero den october 2021

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options