Tur negoshi y instancia mester tin un COVID-19 Supervisor (kico pa sa y haci)

Dit item is gearchiveerd op 24-10-2020.

ORANJESTAD - Analisando con infeccion di COVID-19 ta sosodiendo na Aruba, cu hopi casonan sosodiendo na pia di trabao den diferente sector, ta importante pa cada instancia sa cu nan mester tin un COVID-19 Supervisor.

Sea ta un departamento di Gobierno, supermercado, oficina, centro comercial, restaurant, bar, tienda, iglesia, organisacion social, deportivo, instituto di cuido of educativo. E supervisor tin e tarea pa percura pa e reglanan di e Protocol pa area di trabao y negoshi ta wordo cumpli cu ne. Den e siguiente simanan, e Taskforce cu awor ta conta cu un cantidad mas amplio di personal lo bay cuminsa realisa controlnan mas regular na tur instancia. Den e comunicado aki a dicidi pa inclui e Protocol pa area di Trabao y Negoshi tambe pa asina tur hende por lese y tin e.

Supervisor COVID-19Mantene tur e medidanan necesario ta e responsabilidad di cada dunado di trabao y esaki lo wordo supervisa pa un grupo di trabao. Durante e control, e grupo di trabao (taskforce) lo verifica e reglanan abao menciona. Den caso di falta di cumplimento, e dunado di trabao en cuestion por ser ordena di cera su establecimento conforme na e ley y reglamentonan ariba menciona.

Kico un COVID-19 Supervisor mester sa y haci:

  1. Conoce e Protocol cu ta valido pa su compania of instancia, click pa wak protocolnan.
  2. Reuni cu Gerencia di e instancia of compania pa informa di aplicacion di e reglanan na bienestar di tur colega di trabao y cliente.
  3. Si tin reglanan cu falta pa cumpli cu nan, informa y discuti e asunto cu mas miembro di e team di maneho of gerencia pa resolve esaki.
  4. Riba e website www.arubacovid19.org tin hopi informacion y tips cu por haci bon uzo di nan.
  5. Si tin trahado cu ta den cuarentena y mester traha, mester tin extra atencion pa mantene distanciamento social.
Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options