Tur lider y trahado di Centronan di Cuido di Mucha (Crèche) ta na turno pa vacuna

ORANJESTAD - Ministerio di Asunto Social y Labor cumpliendo cu e peticion di doñonan di crèche ta informa cu e Centronan di Cuido di Mucha ta hunga un rol sumamente importante y ta anda cu mucha diariamente tambe.

P’esey mes Minister Glenbert Croes a haci un apelacion na su colega Minister Dangui Oduber, pa por vacuna tur trahado (lider) cu ta bin directamente den contacto cu e mucha den e centronan. Minister di Salubridad mesora a colabora pa haci esaki posibel.

Departamento di Mucha y Hoben y Minister di Asuntonan Social, kier a haci un yamada na tur cabesante y trahado di Centro di Cuido di Mucha (0-12 aña) pa por registra pa haya vacuna. 

Registra pa haya vacuna COVID-19  Tur Centro di Cuido lo ricibi un email awe di parti di Ministerio di Asuntonan Social y Labor pa sigui algun instruccion paso pa paso, pa bin na remarca pa haya vacuna.

  1. Cada persona ta download e App di DVG  'Aruba Health App';
  2. Cada persona ta registra nan mes via e app aki;
  3. E cabesante di e Centro di Cuido di Mucha ta manda SOLAMENTE un (1) email na: dmharuba@gmail.com  caminda ta manda e lista di trahado cu ta traha na e Centro di Cuido di Mucha cu nan registracion haci y nan number di AZV.

E puntonan di atencion:

Ta pidi encarecidamente pa evita confusion y pa por traha eficiente y mas lihe, pa solamente MANDA 1 EMAIL di cada Centro di Cuido di Mucha cu tur informacion cu ta poni den e formulario cu a bay pa cada centro. 

Cu trahado (lider) ta referi na esunnan cu ta bin directamente den contacto cu e mucha (incluyendo ‘invalster’ cu ta fiho registra na e centro), pues no esnan cu ta cushina, 'tuinman' etc. 

Tur centro di cuido di mucha (0-12 aña) ta sigui opera normal, manera cu nan mes lo indica na e mayornan. Mas cu claro, aplicando e reglanan y maneho di COVID-19 den e centronan di cuido estrictamente.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options